سلمان خان سے تعلق مہنگا پڑ گیا؟ ٹائیگر شروف کو نشانہ بنانے کی وجہ سامنے آگئی

بالی وڈ اداکار ٹائیگر شروف بھی لارنس بشنوئی گینگ کے نشانے پر آگئے ہیں۔ بھارتی میڈیا رپورٹس کے مطابق، گینگ کے ایک رکن نے دعویٰ کیا ہے کہ ٹائیگر شروف کو سلمان خان کے ساتھ کام کرنے کی وجہ سے نشانہ بنایا گیا۔

میڈیا رپورٹس کے مطابق، ٹائیگر شروف کو اس سے قبل بھی مبینہ طور پر دھمکیاں دی جا چکی ہیں، جبکہ ان کے گھر پر فائرنگ کا واقعہ بھی پیش آ چکا ہے۔

یہ بھی پڑھیں:بالی وڈ اداکار ٹائیگر شروف کی گاڑی پر گولیاں چل گئیں

واضح رہے کہ اتوار کی شام ممبئی کے علاقے جوہو میں نامعلوم حملہ آوروں نے ٹائیگر شروف کی گاڑی پر تین سے چار گولیاں چلائیں۔ فائرنگ کے وقت اداکار محفوظ رہے، تاہم ان کے ڈرائیور کے بازو میں گولی لگی، جبکہ قریب موجود ایک رکشہ ڈرائیور بھی زخمی ہوگیا۔

واقعے کے بعد اداکار کی سکیورٹی اور حملے کے محرکات سے متعلق سوالات اٹھنے لگے ہیں۔ تاہم، سلمان خان کے ساتھ کام کرنے کو حملے کی وجہ قرار دینے والا دعویٰ تاحال آزادانہ طور پر ثابت نہیں ہوا۔