دعوے اور نعرے نہیں صرف کام ! خیبرپختونخوا میں انتظامیہ کا آپریشن جاری ، مردان کے نوشہرہ روڈ سے تجاوزات کا خاتمہ

خیبر پختونخوا کے نئے سیٹ اپ میں عوام کی مشکلات کم کرنے کا مشن ، عوامی سہولت اور شہروں کی خوبصورتی کی بحالی کے لیے انتظامیہ کا تجاوزات کے خلاف گرینڈ آپریشن  جاری ہے۔

 اس سلسلہ میں مردان کے گنجان اور اہم ترین تجارتی راستے نوشہرہ روڈ پر بڑا کریک ڈاؤن کر کے سڑک اور فٹ پاتھوں پر قائم تمام غیر قانونی تعمیرات، عارضی تھڑوں اور قبضوں کو مکمل طور پر ختم کر دیا گیا۔

اس موقع پراسسٹنٹ کمشنر مردان ڈاکٹر شیر زمان ڈوگر نے خود موجود رہ کر آپریشن کی نگرانی کی ۔

پختونخوا میں انتظامیہ کا تجاوزات کیخلاف آپریشن جاری، اسسٹنٹ کمشنر مردان ڈاکٹر شیر زمان ڈوگر نوشہرہ روڈ پر تجاوزات کے خلاف آپریشن کی نگرانی کیلئے موجود https://t.co/1noz1sFadt

— Azaad Urdu (@azaad_urdu) October 23, 2026

 نوشہرہ روڈ پر غیرقانونی تجاوزات کے باعث عرصے سے ٹریفک کا نظام درہم برہم تھا  اور پیدل چلنے والوں کا راستہ بند ہو چکا تھا۔

یہ بھی پڑھیں : کے پی تعلیمی اسکینڈل: کروڑوں کے ٹیبلٹس کہاں غائب ہوئے؟ تحقیقات شروع، کمیٹی کو 3 دن میں رپورٹ دینے کا حکم

انتظامیہ کی اس تندہی اور فوری نتائج دینے والی پیشرفت نے ثابت کر دیا ہے کہ جب نیت صاف ہو تو سالوں پرانے مسائل بھی لمحوں میں حل ہو جاتے ہیں ، سڑک کی کشادگی کے بعد تاجروں کو سخت تنبیہ کی گئی ہے کہ دوبارہ تجاوزات قائم کرنے والوں کے خلاف سامان کی ضبطی اور بھاری جرمانوں سمیت سخت قانونی کارروائی کی جائے گی۔

عوامی حلقوں نے انتظامیہ کے اس مستعد اقدام کو بے حد سراہا ہے اور اسے شہریوں کی سہولت کے لیے ایک اہم پیشرفت قرار دیا ہے تاہم، اس کے ساتھ ہی شہریوں اور ناقدین نے پی ٹی آئی حکومت کو شدید تنقید کا نشانہ بناتے ہوئے کہا کہ ماضی میں محض نعروں اور بیانات سے کام چلایا جاتا رہا اور سالہا سال اقتدار میں رہنے کے باوجود تجاوزات کا یہ اہم مسئلہ حل نہ ہو سکا۔

 شہریوں کے مطابق اگر سابقہ دور میں ایسی ہی سنجیدہ عملی کارروائی کی جاتی تو عوام کو اتنے عرصے تک ٹریفک کی بدحالی اور اذیت کا سامنا نہ کرنا پڑتا۔