By گورنر خیبر پختونخوا فیصل کریم کنڈی نے کہا کہ کے پی کے میں وزیراعلیٰ سردارعلی امین گنڈا پور خود بھتہ دے رہا ہے۔
تفصیلات کے مطابق فیصل کریم کنڈی کا حیات آباد میں جاب فیئر تقریب میں میڈیا سےگفتگو کرتے ہوئے کہنا تھا کہ ہمارے دور میں خیبرپختونخوا میں امن اور سکون تھا، 2012ء کے خیبرپختونخوا اور اب کے خیبرپختونخوا میں زمین و آسمان کا فرق ہے ۔
فیصل کریم کنڈی نے کہا کہ کہ مولانا فضل الرحمان کا یہ کہنا درست ہے کہ شام کو ڈیرہ اسماعیل خان (ڈی آئی خان)میں کوئی گھر سے نہیں نکل سکتا ، ہم بھی کہتے ہیں کہ صوبے میں بدامنی بہت بڑھ گئی ہے، وزیراعلیٰ علی امین کو بنوں واقعہ پر اُسی وقت بنوں جانا چا ہیےتھا۔
گورنر کے پی کے کا کہنا تھا کہ پولیس اور پاک فوج کے خلاف نعرے بازی کرنے والوں کے خلاف کارروائی ہونی چاہیے ، جو پاکستان کے آئین اور قانون کو نہیں مانتا اس کے خلاف بھی ایکشن لیا جا ئے ۔ پہلے بھی مشورہ دیا تھا کہ ایپکس کمیٹی کا اجلاس بلایاجائے۔
یہ بھی پڑھیں:وزیردفاع خواجہ آصف نے عمران خان پر بڑا الزام عائد کر دیا
ان کا مزید کہنا تھا کہ گورنر کے پاس کیا اختیارات ہیں وہ مجھے علم ہے، گورنر کے اختیارات کوئی نہیں لے سکتا، خیبرپختونخوا کی جامعات مستقل و ائس چانسلرز سے محروم ہیں اس پر توجہ د ینے کی ضرورت ہے ۔
