سونے کی مارکیٹ میں بھونچال، ایک دن میں سونا 12 ہزار سے زائد تولہ سستا ہوگیا

ملک بھر کی صرافہ مارکیٹوں میں ایک روز کے وقفے کے بعد سونے اور چاندی کی قیمتوں میں دوبارہ نمایاں کمی ریکارڈ کی گئی جس کے باعث قیمتی دھاتوں کی مارکیٹ میں خریداروں اور سرمایہ کاروں کی توجہ ایک بار پھر قیمتوں کے اتار چڑھاؤ پر مرکوز ہو گئی ہے۔

آل پاکستان صرافہ ایسوسی ایشن کے مطابق 24 قیراط فی تولہ سونے کی قیمت میں 12 ہزار 627 روپے کی بڑی کمی ریکارڈ کی گئی جس کے بعد فی تولہ سونا 442 ہزار 436 روپے پر آ گیا۔ اسی طرح 10 گرام سونے کی قیمت 11 ہزار 364 روپے کم ہو کر 378 ہزار 170 روپے کی سطح پر پہنچ گئی۔

چاندی کی قیمتوں میں بھی نمایاں گراوٹ دیکھی گئی صرافہ ایسوسی ایشن کے اعداد و شمار کے مطابق فی تولہ چاندی 385 روپے سستی ہونے کے بعد 6 ہزار 929 روپے پر آ گئی جس سے مقامی مارکیٹ میں چاندی کے خریداروں کو بھی کچھ ریلیف ملا ہے۔

یہ بھی پڑھیں:اپنی چھت اپنا گھر پروگرام ،25 لاکھ سے 1 کروڑ تک قرض لینے والوں سے متعلق بڑی خبر

دوسری جانب عالمی مارکیٹ میں بھی قیمتی دھاتوں کی قیمتوں میں مندی کا رجحان برقرار رہا۔ بین الاقوامی سطح پر فی اونس سونے کی قیمت 126 ڈالر 27 سینٹ کمی کے بعد 4 ہزار 200 ڈالر پر آ گئی، جس کے اثرات مقامی مارکیٹ پر بھی مرتب ہوئے۔

 عالمی مالیاتی منڈیوں میں غیر یقینی صورتحال، سرمایہ کاروں کی جانب سے منافع کے حصول کے لیے فروخت میں اضافہ اور عالمی معاشی رجحانات قیمتی دھاتوں کی قیمتوں میں اتار چڑھاؤ کی اہم وجوہات ہیں۔ ان کے مطابق عالمی سطح پر سونے کی قیمتوں میں تبدیلی کا براہ راست اثر پاکستان سمیت دنیا بھر کی مقامی مارکیٹوں پر پڑتا ہے۔

صرافہ بازار کے تاجروں کے مطابق حالیہ کمی کے باعث خریداری کے رجحان میں اضافہ متوقع ہے تاہم سرمایہ کار اب بھی عالمی مارکیٹ کی صورتحال پر گہری نظر رکھے ہوئے ہیں کیونکہ آنے والے دنوں میں قیمتوں میں مزید ردوبدل کا امکان موجود ہے۔