By بجلی کی فی یونٹ قیمت میں 1 روپے 90 پیسے فی یونٹ تک اضافے کا امکان ہے۔
تفصیلات کے مطابق تقسیم کار کمپنیوں نے بجلی صارفین سے 46 ارب 99 کروڑروپے نکلوانے کی تیاری مکمل کر لی ، تقسیم کار کمپنیوں نے بجلی کی قیمت میں ایک روپے 90 پیسے فی یونٹ مزید اضافہ مانگ لیا۔نیپرا اس درخواست پر فیصلہ بعد میں جاری کرے گا۔
مزید پڑھیں: بجلی تقسیم کار کمپنیز بجلی چوری میں ملوث عناصر کو سزا دلوانے میں ناکام: اہم پیش رفت سامنے آ گئی
چئیرمین نیپرا نے کہا ہے کہ آئندہ سہ ماہی اور فیول ایڈجسٹمنٹ میں کمی آئیگی۔ بجلی کمپنیز نے درخواست گزشتہ مالی سال کی آخری سہ ماہی کی مد میں دائر کی تھی۔ کیپسٹی پیمنٹس کی مد میں 22 ارب 86 کروڑ روپے مانگے گئے ہیں۔ بجلی کمپنیوں نے آپریشنز اینڈ مینٹیننس کی مد میں 4 ارب روپے مانگ رکھے ہیں۔ یوز آف سسٹم چارجز اینڈ مارکیٹنگ فیس کی مد میں 7 ارب 51 کروڑ مانگے گئے ہیں جبکہ ٹرانسمیشن اینڈ ڈسٹری بیوشن لاسز کی مد میں 10 ارب 80 کروڑ شامل ہیں۔
دوران سماعت تقسیم کار کمپنیوں کی جانب سے لوگوں کو نیٹ میٹرنگ سے منع کرنے کا انکشاف ہوا ہے۔ ممبر سندھ نیپرا رفیق شیخ نے استفسار کیا کہ کون سے ڈسکوز لوگوں کو نیٹ میٹرنگ سے منع کر رہے ہیں؟ نیپرا حکام نے بتایا کہ گیپکو اور پیسکو لوگوں کو منع کر رہے ہیں کہ نیٹ میٹرنگ کے کنکشنز نہیں دے رہے۔
