چیف جسٹس یحیی آفرید ی نے جسٹس منصور علی شاہ کو اہم ذمہ سونپ دی

چیف جسٹس آف پاکستان جسٹس یحییٰ خان آفریدی نے سینئر ترین جج جسٹس منصور علی شاہ کو تنازعات کے حل کے لیے متبادل کمیٹی کا سربراہ مقرر کر دیا ہے۔

تفصیلات کے مطابق چیف جسٹس نے اے ڈی آر (الٹرنیٹ ڈسپیوٹ ریزولوشن) کمیٹی کی تشکیل میں تبدیلی کی ہے۔ سپریم کورٹ کی جانب سے جاری کردہ نوٹیفکیشن میں کہا گیا ہے کہ جسٹس منصور علی شاہ کو کمیٹی کا چئیرمین نامزد کیا گیا ہے، جبکہ جسٹس عائشہ ملک اور جسٹس شاہد وحید کمیٹی کے ممبران ہوں گے۔

یہ بھی پڑھیں: یکم نومبر سے پیٹرولیم مصنوعات کی قیمتوں میں کمی کا امکان

اعلیٰ عدلیہ نے اس بات کی تصدیق کی ہے کہ نوٹیفکیشن کی کاپی تمام متعلقہ افسران کو بھیج دی گئی ہے۔یاد رہے کہ سابق چیف جسٹس پاکستان قاضی فائز عیسیٰ نے اگست 2024 میں تنازعات کے متبادل حل کے لیے ٹاسک فورس کی از سر نو تشکیل کی تھی۔

لا اینڈ جسٹس کمیشن کے 22 جولائی کو جاری کردہ نوٹیفکیشن کے مطابق، جسٹس منصور کی ٹاسک فورس کی رکنیت ختم کر دی گئی تھی اور جسٹس یحییٰ خان آفریدی کو کمیٹی کا سربراہ مقرر کیا گیا تھا، جس میں جسٹس عائشہ ملک اور جسٹس شاہد وحید بھی شامل ہیں۔