ملک میں سردی کی شدت برقرار ہے اور بالائی علاقوں میں برفباری کا سلسلہ جاری ہے ۔
سکردو شہر میں دو انچ اور بالائی علاقوں میں ڈھائی فٹ تک برفباری ہوئی ہے، برف باری کے باعث 90 فی صد بالائی علاقوں کا سکردو سے زمینی رابطہ منقطع ہوگیا جبکہ غذر میں منفی پندرہ ڈگری کی سردی سے آبشار اور جھیلیں منجمد ہوگئیں، ملکہ کوہسار مری میں برف کی سفید چادر بچھ گئی اور سیاحوں نے ڈیرے ڈال لیے۔
آزاد کشمیر کے بالائی علاقوں میں بارش اور برفباری سے موسم دلکش ہوگیا، لیہہ میں منفی آٹھ، قلات منفی سات، کوئٹہ، زیارت اور ہنزہ میں منفی چھ، کالام اور بگروٹ میں درجہ حرارت منفی پانچ پر آگیا۔
کراچی میں بھی شہری ٹھٹھر گئے، گزشتہ شب رواں موسم سرما کی سرد ترین رات ریکارڈ کی گئی، اور کم سے کم درجہ حرارت سات ڈگری ریکارڈ کیا گیا اور شدت چھ ڈگری سینٹی گریڈ محسوس کی گئی۔
ادھر محکمہ موسمیات نے آئندہ 24 گھنٹوں کے دوران کراچی سمیت ملک کے بیشتر علاقوں میں موسم سرد اور خشک رہنے کا امکان ظاہر کردیا جبکہ ہ بالائی علاقوں میں صبح کے اوقات میں چند مقامات پر کہرا پڑنے کا امکان ہے ۔
پنجاب کے کئی شہروں میں دھند کے باعث حد نگاہ کم ہونے سے موٹروے مختلف مقامات سے ٹریفک کے لیے بند ہے۔
By 
