ہمیں تحریری فیصلہ مل گیا، جلد اسلام آباد ہائیکورٹ میں اپیل دائر کریں گے، وکیل فیصل چوہدری

پاکستان تحریک انصاف کے بانی عمران خان کے وکیل فیصل چوہدری نے کہا ہے کہ 190 ملین پائونڈ معاملے سے ریاست کو 1 ٹکے کا بھی نقصان نہیں ہوا بلکہ 20 ارب روپے کا منافع حاصل ہوا ہے۔

عمران خان کے وکیل فیصل چوہدری نے نجی ٹی وی کیساتھ گفتگو کرتے ہوئے کہا کہ 190ملین پائونڈ کیس کے فیصلے پر کوئی حیرت نہیں ہوئی کیونکہ انتقام کا معلوم تھا۔

مزید پڑھیں: آنیوالے دنوں میں ملٹری کورٹ میں بھی عمران خان کا کیس جائیگا، صحافی جاوید چوہدری

فیصل چوہدری نے بتایا کہ ہمیں تحریری فیصلہ مل گیا ہے۔ سلمان اکرم راجہ نے فیصلے کیخلاف اپیل پہلے سے ہی تیار کر رکھی ہے، جلد اسلام آباد ہائیکورٹ میں اپیل دائر کریں گے۔ مخصوص لوگوں نے رات کو ہی فیصلے کے متعلق بتانا شروع کردیا تھا۔

انہوں نے کہا کہ 190 ملین پائونڈ معاملے میں عمران خان کو 1 ٹکے کا فائدہ ہوا نہ ہی ریاست کو ایک ٹکے کا بھی نقصان ہوا۔ 190ملین پائونڈ پر 20ارب روپے منافع حاصل ہوا جو کہ آج بھی سپریم کورٹ کے اکائونٹ میں رقم موجود ہے۔

انہوں نے مزید کہا کہ جو لوگ ڈیل لیتے ہیں وہ ایون فیلڈ اپارٹمنٹس کیس سے بری ہوجاتے ہیں۔ جو لوگ ڈیل لیتے ہیں وہ بیرون ملک چلے جاتے ہیں۔ عمران خان کو یقین ہے کہ وہ اس کیس میں سُرخرو ہوں گے۔