پنجاب کے تعلیمی نظام میں بڑی تبدیلی کے ساتھ میٹرک میں نئے مضامین شامل کر دیے گئے

پنجاب حکومت نے تعلیمی نظام میں ایک بڑی اصلاح کرتے ہوئے میٹرک کے طلبہ کے لیے نئے مضامین کے گروپس متعارف کروا دیے ہیں۔

تفصیلات کے مطابق آئندہ تعلیمی سال سے آلائیڈ ہیلتھ سائنسز، زراعت، انفارمیشن ٹیکنالوجی، اور انٹرپینیورشپ جیسے جدید گروپس طلبہ کو پڑھائے جائیں گے جس کا مقصد تعلیمی میدان کو مزید عملی اور دور حاضر کے تقاضوں سے ہم آہنگ بنانا ہے۔

سیکرٹری اسکولز ایجوکیشن پنجاب، خالد نذیر کے مطابق ہیلتھ سائنسز کے مضامین ان اسکولوں میں پڑھائے جائیں گے جو ڈی ایچ کیو اور ٹی ایچ کیو اسپتالوں کے قریب واقع ہوں۔ انہوں نے مزید وضاحت کی کہ میٹرک امتحانات کے کل نمبر بدستور 1100 رہیں گے اور طلبہ نویں جماعت میں داخلے کے وقت اپنی دلچسپی کے مطابق گروپ کا انتخاب کریں گے۔

یہ بھی پڑھیں: نیب کاملک ریاض کے اثاثوں کو ضبط کرنے کیلئے قانونی کارروائی کااعلان

یہ اقدام تعلیمی میدان میں ایک نئی سمت کا تعین کرے گا اور طلبہ کو جدید دور کی مہارتوں سے آراستہ کرنے میں اہم کردار ادا کرے گا۔