محکمہ موسمیات کے مطابق آج رات دوبارہ بارش برسانے والا مغربی ہواؤں کا سسٹم پاکستان میں داخل ہونے کے امکانات ہیں جس سے لاہور سمیت پنجاب کے بیشتر شہروں میں بارش کی پیشنگوئی کی گئی ہے۔
تفصیلات کے مطابق محکمہ موسمیات نے کہاہے کہ آج رات سے بارش برسانے والا مغربی ہواؤں کا سسٹم پاکستان میں داخل ہو نے کے امکانات ہیں جس سے پنجاب میں لاہور سمیت بیشتر اضلاع لاہور، فیصل آباد، راولپنڈی، چکوال سمیت دیگر شہروں میں بارش کی پیشنگوئی کی گئی ہے۔
محکمہ موسمیات کے مطابق صوبے میں آج بھی موسم خشک اور سرد رہے گا جبکہ مری، گلیات میں گزشتہ دنوں ہونے والی بارش اور برف باری سے درجہ حرارت میں کمی آئی ہے۔ لاہور میں کم سے کم درجہ حرارت 12 ڈگری سینٹی گریڈ ریکارڈ ہوا اور زیادہ سے زیادہ 24 ڈگری تک جانے کے امکانات ہیں جبکہ دوسری جانب لاہور سمیت پنجاب بھر کے میدانی علاقوں میں خشک موسم کا سلسلہ جاری ہے
By 
