خیبرپختونخوا حکومت کی سرکاری ملازمین کو جلسے میں شرکت یقینی بنانے کی ہدایت

مسلم لیگ (ن) کے رہنما ارباب خضر حیات نے الزام عائد کیا ہے کہ خیبرپختونخوا حکومت نے پشاور میں ہونے والے تحریک انصاف کے جلسے میں سرکاری ملازمین کو لازمی شرکت کی ہدایت دی ہے۔

ارباب خضر حیات کا کہنا تھا کہ تحریک انصاف کے کارکنان اور عام شہری اپنی قیادت اور حکومت سے ناراض ہیں، اسی وجہ سے وہ جلسے میں شرکت نہیں کر رہے۔ ان کے بقول، عوامی عدم دلچسپی کے باعث صوبائی حکومت نے سرکاری ملازمین کو جلسے میں آنے کا حکم دیا ہے تاکہ حاضری یقینی بنائی جا سکے۔

انہوں نے مزید کہا کہ جلسے کے لیے پانچ ہزار کرسیاں لگائی گئی ہیں، جبکہ شرکاء کی تعداد بھی اسی کے قریب رہنے کا امکان ہے۔ ارباب خضر حیات کے مطابق یہ صورتحال تحریک انصاف کی عوامی مقبولیت میں کمی کو ظاہر کرتی ہے۔

یہ بھی پڑھیں: تحریک انصاف کی سوشل میڈیا ٹرول فلک جاوید کو پولیس نے انتہائی مہارت سے گرفتار کر لیا