ایس آئی ایف سی کی کامیاب اور موثر حکمت عملی سے پاکستان عالمی آئی ٹی مارکیٹ میں نمایاں مقام حاصل کر رہا ہے اور
مالی سال 2023-2024 میں آئی ٹی برآمدات 24 فیصد کے شاندار اضافے کے ساتھ 3.223 ارب ڈالر تک پہنچ گئیں۔
تفصیلات کےمطابق خصوصی سرمایہ کاری فیسلٹی کونسل کی کاوشوں سے ملکی آئی ٹی برامدات نے عالمی سطع پر اہم مقام حاصل کیا ہے اور گزشتہ ایک سال میں آئی ٹی برامدات میں 24 فیصد اضافہ ریکارڈ کیا گیا ہے اور ملکی آئی ٹی برامدات کا حجم 3.223 ارب ڈالر تک پہنچ چکا ہے۔
‘براڈ بینڈ کنیکٹیویٹی’ میں سبسکرائبرز کی تعداد 139 ملین سے تجاوز کر گئی، 4.1 ملین افراد ‘براڈ بینڈ’ کی توسیع سے مستفید، تیز رفتار انٹرنیٹ سے معیشت اور تعلیم کو فروغ حاصل ہوا ہے۔
‘ڈیجی اسکلز’ پروگرام کے تحت 6 لاکھ افراد کی تربیت، 166 اسٹارٹ اپس، 5000 سے زائد نئی ملازمتیں اور 260 ملین روپے کی سرمایہ کاری ہوئی ہے۔اور اس کیساتھ ساتھ پاکستان میں 5G کی تیاری،وائی فائی 6E اور نیشنل اسپیس پالیسی سے جدید کنیکٹیویٹی کی راہ ہموارہوئی ہے۔
“حج ایپ” اور “ون پیشنٹ، ون آئی ڈی” سسٹم سے شہریوں کو جدید سہولیات کی فراہمی ہوئی ہے اورگلگت بلتستان اور آزاد کشمیر سمیت مختلف صوبوں میں ‘کلاؤڈ فرسٹ پالیسی’ نافذ ہوئی ہےاس کیساتھ ساتھ قومی مصنوعی ذہانت اور سیمی کنڈکٹر پالیسیوں سے جدید ٹیکنالوجی میں پیش قدمی ہوئی ہےاوڈیجیٹل معیشت کے فروغ کے لیے ڈیجیٹل اکانومی انہانسمنٹ پروجیکٹ (ڈی ای ای پی) سرگرم عمل ہے۔
ایس آئی ایف سی کے تعاون سے پاکستان میں ڈیجیٹل ترقی کی رفتار مستحکم، مربوط، محفوظ اور جدید معیشت کی تشکیل جاری ہے ۔
By 
