محکمہ موسمیات نے ملک بھر میں گرج چمک کے ساتھ بارشوں کی پیشگوئی کر دی۔
محکمہ موسمیات کے مطابق آئندہ چوبیس گھنٹوں میں دارالحکومت اسلام آباد میں جزوی ابر آلود موسم کے ساتھ کچھ علاقوں میں بارش کا امکان ہے۔ مری، گلیات اور ان کے اطراف میں گرج چمک کے ساتھ بارش کی توقع ہے۔
راولپنڈی، اٹک، چکوال، میانوالی، سرگودھا، بھکر، خوشاب، شیخوپورہ، فیصل آباد، لاہور اور ان کے گردونواح میں بھی کچھ مقامات پر بارش ہو سکتی ہے۔ سندھ اور بلوچستان کے بیشتر علاقوں میں موسم خشک رہنے کا امکان ہے، جبکہ خیبر پختونخوا کے اضلاع چترال، دیر، سوات، شانگلہ، ہری پور اور مانسہرہ میں بارش کی پیشگوئی کی گئی ہے۔ پشاور، ایبٹ آباد، چارسدہ، نوشہرہ، کوہاٹ، کرک، باجوڑ، کرم، مالاکنڈ، وزیرستان اور ان کے اردگرد کے علاقوں میں بھی بارش ہونے کا امکان ہے۔
محکمہ موسمیات کے مطابق آزاد کشمیر اور گلگت بلتستان میں بھی کچھ علاقوں میں گرج چمک کے ساتھ بارش ہو سکتی ہے۔
By 
