ہم نے عمران خان کو بات چیت کیلئے تیار کیا، بات چیت کو ڈیل سے تعبیر نہ کیا جائے، اعظم سواتی کا ویڈیو پیغام

رہنما پاکستان تحریک انصاف اعظم سواتی نے واضح کیا ہے کہ ہم نے بانی پی ٹی آئی عمران خان کو بات چیت کے لیئے تیار کیا تاہم
بات چیت کو ڈیل سے تعبیر نہ کیا جائے۔

تفصیلات کے مطابق رہنما پی ٹی آئی اعظم سواتی نے رات گئے جاری ویڈیو پیغام میں کہا کہ لوگ بانی پی ٹی آئی کی شہرت سےحائف ہے
کوئی بھی نہیں چاہتا کہ بانی پی ٹی آئی بات چیت کیلئے تیار ہو۔ انہوں نے ویڈیو پیغام میں واضح کیا کہ 2022 میں بھی بانی چیئرمین کو ہم بات چیت کیلئے ہم نے مجبور کیا اور2022 سے اب تک بانی چیئرمین بات چیت کے دروازے کھلے رکھے۔

رہنما پی ٹی آئی اعظم سواتی کا کہنا ہے کہ بات چیت کو ڈیل سے تعبیر نہ کیا جائے ۔ انہوں نے کہا کہ میرا لیڈر زمان پارک سے زیادہ جیل میں ہشاش بشاش ہے۔اعظم سواتی کا کہنا ہے کہ ہمارا لیڈر نہ ڈرتا ہے نہ جھکتا ہے اور نہ اس کی طرف سے کوئی ڈیل کرسکتا ہے۔

ہم نے عمران خان کو بات چیت کیلئے تیار کیا۔ ہم نے بانی چیئرمین سے کہا کہ وہ قوم کی مستقبل کے خاطر بات چیت کرے، انکا کہنا تھا
بات چیت پر رضامندی کسی کمزوری کی علامت نہیں بلکہ بڑا پن ہے۔ اعظم سواتی نے کہا کہ ہم نے بانی چیئرمین کو بات چیت کیلئے آمادہ کیا ہے اور انشاء اللہ فتح بھی ہماری ہوگی۔