پاکستان کا ارب پتی بزنس ٹائیکون اور خاندان کون؟ فہرست سامنے آگئی

معاشی تھنک ٹینک ایکنامک پالیسی اینڈ بزنس ڈویلپمنٹ نے پاکستان کی کاروباری گروپس کی مالیت بارے رپورٹ جاری کردی، بیسٹ وے گروپ کے سر انور پرویز پاکستان کے امیر ترین کاروباری شخصیت ہیں۔

رپورٹ کے مطابق سر انور پرویز نے پاکستان میں 3 ارب 62 کروڑ ڈالرز کی سرمایہ کاری کی ہے جو پہلے نمبر پر ہیں، فوجی فاؤنڈیشن گروپ پاکستان کا دوسرا بڑا امیر ترین گروپ ہے، فوجی فاؤنڈیشن کی سرمایہ کاری 2 ارب 25 کروڑ ڈالرز ہے۔

ٹبہ گروپ پاکستان کا تیسرا امیر ترین کاروباری خاندان ہے، ٹبہ گروپ 1 ارب 88 کروڑ ڈالرز کی سرمایہ کاری کے ساتھ تیسرا امیر ترین گروپ ہے۔ پاکستان ٹوبیکو گروپ پاکستان کا چوتھا امیر ترین کاروباری گروپ ہے، پاکستان ٹوبیکو نے ایک ارب 18 کروڑ ڈالرز کی سرمایہ کاری ہوئی ہے۔

ابراہیم گروپ کے میر شکیل پاکستان کی پانچویں امیر ترین کاروباری شخصیت ہیں، ابراہیم گروپ نے ایک ارب ڈالر کی سرمایہ کاری کر رکھی ہے۔ آغا خان گروپ 954 ملین ڈالرز کی سرمایہ کاری کے ساتھ چھٹا امیر ترین گروپ ہے، میاں منشاء پاکستان کی ساتویں امیر ترین کاروباری شخصیت ہیں ۔

مزید پڑھیں: امدادی کاروائیوں کے پیشِ نظر سیلاب سے متاثرہ ضلع بونیر میں پرائیویٹ گاڑیوں کا داخلہ بند کر دیا گیا

میاں منشاء نے پاکستان میں 920 ملین ڈالرز کی سرمایہ کاری کی ہوئی ہے، سید بابر علی کا شمار 40 ارب پتی کاروباری خاندانوں میں پہلے نمبر ہے، پیکجز گروپ کے سید بابر علی 1 ارب 60 کروڑ ڈالرز کے مالک ہیں۔ فاطمہ گروپ کے فواد مختار دوسری بڑی کاروباری شخصیت ہیں، گوہر اعجاز پاکستان کی پانچویں بڑی کاروباری شخصیت ہیں، لیک سٹی ہولڈنگ کے مالک گوہر اعجاز 2 ارب 50 کروڑ ڈالرز کے کاروباری مالک ہیں۔

پاکستان کے 40 بڑے ارب پتی کاروباری گروپس کی رینکنگ جاری کردی گئی، پاکستان کی 20 بڑی پبلک لسٹڈ کمپنیوں کی رینکنگ بھی جاری کر دی گئی۔ سردار یاسین ملک ، حبیب اللہ خان ، شیخ محمد جاوید پاکستان کی ارب پتی کاروباری شخصیات ہیں، عقیل کریم ڈھیڈی ، بشیر جان محمد میاں عامر محمود پاکستان کی ارب پتی کاروباری شخصیات ہیں۔

نسرین قصوری ، جہانگیر ترین اور علیم خان کا شمار پاکستان کی امیر ترین کاروباری شخصیات میں ہوتا ہے، داود گروپ کی کاروباری مالیت 2 ارب 39 کروڑ ڈالرز ہے۔ میزان گروپ کی کاروباری مالیت 2 ارب 38 کروڑ ڈالرز ہے، عارف حبیب گروپ ایک ارب 57 کروڑ ڈالرز ، آغا خان گروپ ایک ارب 56 کروڑ ڈالرز کا مالک ہے۔

مزید پڑھیں: وزیراعلیٰ پنجاب مریم نواز یوتھ انٹرن شپ پروگرام،جا نئے درخواست دینے کا طریقہ کار

اٹک گروپ ایک ارب 35 کروڑ ڈالرز کا مالک ہے، پاکستان ٹوبیکو گروپ ایک ارب 24 کروڑ 50 لاکھ ڈالرز کا مالک ہے، سفائر گروپ کے میاں عبداللہ ایک ارب 20 کروڑ ڈالرز کے کاروبار کے مالک ہیں۔

لاکھانی گروپ ایک ارب 20 کروڑ ڈالرز کا مالک ہے، ہاوس آف حبیب ایک ارب 17 کروڑ ڈالرز کا مالک ہے، میر ابراہیم گروپ ایک ارب 12 کروڑ ڈالرز کا مالک ہے، پاکستان کے 22 کھرب پتی کاروباری خاندانوں میں سے آج 5 خاندان موجود ہیں، گذشتہ 50 سالوں میں  پینتیس  ئے ارب پتی کاروباری خاندان سامنے آچکے ہیں

رپورٹ کے مطابق سید بابر علی ، حبیب رفیق ، حسین داود اور طارق سیگل گروپ کا شمار آج بھی ارب پتی خاندان میں ہوتا ہے۔