دہشتگردی کیخلاف ریاستی اداروں کی کارروائیاں، یو اے ای قیادت کا اظہارِ یکجہتی

متحدہ عرب امارات کے صدر شیخ محمد بن زاید النہیان نے بلوچستان میں پیش آنے والے دہشت گردی کے افسوسناک واقعات پر صدرِ مملکت آصف علی زرداری کے نام تعزیتی پیغام ارسال کیا ہے، جس میں قیمتی انسانی جانوں کے ضیاع پر گہرے دکھ اور افسوس کا اظہار کیا گیا ہے۔

اپنے پیغام میں یو اے ای کے صدر نے جاں بحق افراد کے اہلِ خانہ سے دلی ہمدردی اور تعزیت کا اظہار کرتے ہوئے زخمی ہونے والوں کی جلد صحت یابی کے لیے نیک خواہشات اور دعا کی۔ انہوں نے کہا کہ متحدہ عرب امارات اس دکھ کی گھڑی میں پاکستان کے عوام کے ساتھ کھڑا ہے۔

یہ بھی پڑھیں:یو اے ای نے ریموٹ ورکنگ ویزا کا اجرا شروع کر دیا، نئے قواعد وضوابط کی تفصیلات جانئیے

دوسری جانب متحدہ عرب امارات کے نائب صدر نے بھی اپنے علیحدہ پیغام میں دہشت گردی کے اس واقعے کی شدید مذمت کرتے ہوئے پاکستان کی حکومت اور عوام کے ساتھ مکمل یکجہتی کا اظہار کیا۔ انہوں نے دہشت گردی کے خلاف پاکستان کی کوششوں کو سراہتے ہوئے ہر قسم کی انتہا پسندی کے خاتمے کے عزم کا اعادہ کیا۔

یو اے ای قیادت کی جانب سے اظہارِ تعزیت کو دونوں ممالک کے درمیان گہرے برادرانہ تعلقات اور باہمی تعاون کی عکاسی قرار دیا جا رہا ہے۔