کالعدم ایکشن کمیٹی کی طلبہ کو دھرنے میں شامل کرنے کی منصوب بندی ، محکمہ تعلیم کی اداروں اہم ہدایات جاری

محکمہ ابتدائی و ثانوی تعلیم (E&SE) اور محکمہ ہائر ایجوکیشن (HE) نے JAAC کی جانب سے طلبہ کو راولاکوٹ میں ہونے والے دھرنے میں شریک کرنے کی مبینہ منصوبہ بندی کے پیش نظر سرکاری و نجی تعلیمی اداروں کو ہدایات جاری کر دی ہیں۔

محکمہ تعلیم کی جانب سے جاری ہدایات کے مطابق، متعلقہ اداروں کے سربراہان کو کہا گیا ہے کہ وہ والدین کو اپنے بچوں کو ایسی سرگرمیوں میں شریک کرنے سے باز رکھیں۔ ہدایات میں مؤقف اختیار کیا گیا ہے کہ طلبہ کو اسکول اور کالج کی یونیفارم میں احتجاجی سرگرمیوں میں لانا ان کی سلامتی کے لیے خطرات کا باعث بن سکتا ہے۔

 یہ بھی پڑھیں :کالعدم عوامی ایکشن کمیٹی میں پھوٹ پڑ گئی، عمر نظیر نے سردار امان اور دیگر کے بیانات کو پالیسی کے خلاف قرار دے دیا

محکمہ تعلیم نے مزید ہدایت کی ہے کہ اگر کسی اسکول یا کالج کے طلبہ ایسی سرگرمیوں میں شریک پائے گئے تو متعلقہ تعلیمی ادارے کی انتظامیہ کے خلاف قواعد و ضوابط کے مطابق سخت تادیبی اور قانونی کارروائی عمل میں لائی جائے گی۔

 یہ بھی پڑھیں :کالعدم عوامی ایکشن کمیٹی کے غنڈوں نے چھٹی پرآئے ہوئے دو پولیس اہلکاروں کو اغوا کر لیا

محکمہ تعلیم نے تمام تعلیمی اداروں سے کہا ہے کہ وہ طلبہ کی حفاظت کو یقینی بنائیں اور انہیں تعلیمی سرگرمیوں تک محدود رکھنے کے لیے مؤثر اقدامات کریں۔