آبنائے ہرمز پر کس کا کنٹرول ہے؟ ڈونلڈ ٹرمپ کا چونکا دینے والا انکشاف

امریکی صدر ڈونلڈ ٹرمپ نے کہا ہے کہ ایران کے معاملے میں امریکا کو وہ سب کچھ مل رہا ہے جو وہ چاہتا ہے۔ انہوں نے دعویٰ کیا کہ ایران اب کچھ نہیں کر سکتا اور امریکا چاہے تو اس پر قبضہ کر سکتا ہے۔

ٹرمپ نے ایران کو تباہ شدہ ملک قرار دیتے ہوئے کہا کہ امریکا اپنے تمام مطلوبہ اہداف حاصل کر رہا ہے۔ ان کا کہنا تھا کہ امریکا چاہے تو ایران کے تیل سمیت پورے ملک پر قبضہ کرسکتا ہے۔

 یہ بھی پڑھیں :امریکا اور اسرائیل کا نومبر کے آغاز تک تمام عسکری اثاثوں کے ساتھ ایران پر شدید حملوں کا منصوبہ، ٹرمپ کا بیان بھی سامنے آگیا

 ڈونلڈ ٹرمپ نے کہا کہ آبنائے ہرمز مکمل طور پر امریکا کے اختیار میں ہے۔ ان کے مطابق ایران کو موجودہ حالت کی طرح مکمل مفلوج رکھا جائے گا اور اس پالیسی کو جاری رکھا جائے گا۔

 رائٹرز کے مطابق ٹرمپ نے جمعہ کو وائٹ ہاؤس کے باہر صحافیوں سے گفتگو کرتے ہوئے ایران کے خلاف جنگ اور اس کے خاتمے کے بارے میں بات کی۔

امریکی مڈ ٹرم انتخابات کے بعد کیا ہونے والا ہے؟ ٹرمپ نے بڑا اعلان کر دیا

انہوں نے کہا کہ امریکا جنگ جلد ختم کر سکتا ہے۔ تاہم ان کے مطابق سوال یہ ہے کہ جنگ کو فیصلہ کن انداز میں ختم کیا جائے یا اسے بتدریج ختم ہونے دیا جائے۔