By ریپبلکن پارٹی کے صدارتی امیدوار ڈونلڈ ٹرمپ نے کہا ہے کہ کملا ہیرس کوجوبائیڈن کے مقابلے زیادہ آسانی سے ہراؤں گا ۔
تفصیلات کے مطابق امریکی نشریاتی ادارے سی این این کا اپنی رپورٹ میں بتانا ہے کہ سابق صدر ڈونلڈ ٹرمپ کا یہ تبصرہ امریکا کے موجودہ صدر جو بائیڈن کی جانب سے انتخابات سے دستبردار ہونے کے اعلان کے فوری بعد سامنے آیا ہے۔
ڈونلڈ ٹرمپ کا کہنا تھا کہ جو بائیڈن صدر کی حیثیت سے خدمات جاری نہیں رکھ سکتے اور نہ ہی وہ اس کے اہل ہیں اور وہ انتخاب لڑنے کے لیے بھی موزوں نہیں ہیں۔ قبل ازیں جوبائیڈن نے امریکی قوم کے نام جاری بیان میں صدارتی ا نتخاب سے دستبرداری کا اعلان کرتے ہوئے کہا تھا کہ یہ میری پارٹی اور میرے ملک کے بہترین مفاد میں ہے کہ میں انتخاب میں حصہ نہ لوں۔
یہ بھی پڑھیں:بنگلا دیش میں طلبہ کا احتجاج : سپریم کورٹ کا کوٹہ سسٹم پر عمل درآمد روکنے کا حکم
بحیثیت صدر میں اپنی بقیہ مدت کے دوران اپنے فرائض انجام دینے کیلئے پوری توجہ دوں۔ ڈیموکریٹس سے تعلق رکھنے والے 81 سالہ جوبائیڈن نے اپنی جگہ نائب صدر کملا ہیرس کو پارٹی کی طرف سے صدارتی امیدوار نامزد کرنے کی حمایت کی تھی۔
