By مشیر اطلاعات خیبر پختونخوا بیرسٹر سیف نے کہا ہے کہ بانی پی ٹی آئی عمران خان کی احتجاج کی کال پر ملک بھر سے قافلے ڈی چوک اسلام آباد کی طرف رواں دواں ہیں۔
مشیر اطلاعات خیبر پختونخوا بیرسٹر سیف نے کہا ہے کہ وزیر اعلیٰ خیبر پختونخوا کا قافلہ صوابی سے نکل کر اٹک کی طرف بڑھ رہا ہے اورصوابی سے آگے موٹروے پر سڑک پر کیل بچھائے گئے ہیں، بیرسٹر سیف نے کہا کہ وفاقی حکومت پرامن لوگوں سے خوفزدہ کیوں ہے، بیرسٹر سیف کا کہنا تھا کہ عوام مینڈیٹ چوری کرنے والے حکمرانوں سے حساب لینے نکلی ہے اورن لیگ نے پرامن احتجاج کے دوران لاشیں گرانے کا منصوبہ بنایا ہے۔ بیرسٹر سیف نے کہا کہ پر امن احتجاج میں ن لیگی مسلح کارکنان شامل ہونے کے شواہد ملے ہیں۔
مزید پڑھیں: علی امین گنڈاپور نے آج رات اٹک کے قریب پڑائو ڈالنے کی اجازت مانگی ہے، صحافی حسن ایوب کا دعویٰ
انہوں نے کہا برہان انٹرچینج کے قریب موٹروے کی کھدائی کی گئی ہے ، مشیر اطلاعات خیبر پختونخوا بیرسٹر سیف نے کہا کہ نااہل وفاقی حکومت پرامن احتجاج کو زبردستی پرتشدد بنانے کی کوشش کر رہی ہے اوراپنے حقوق کے لیے نکلنے والی عوام پر ہونے والے ریاستی جبر کا بھرپور جواب دیا جائے گا۔ بیرسٹرسیف نے کہا وفاقی اور پنجاب حکومت کا خوف سمجھ سے باہر ہے ۔ انکا کہنا تھا کہ ن لیگ میدان میں آئے اور اداروں کو اپنی گندی سیاست کے لیے استعمال نہ کرے اورسیاست کو سیاسی اداروں تک محدود رکھنا چاہیے۔ بیرسٹر سیف نے کہا کہ شریف خاندان سے نجات ضروری ہو چکی ہے اور شریف خاندان بین الاقوامی سطح پر ایک کرپٹ سیاسی خاندان کے طور پر ثابت ہو چکا ہے۔ انکا کہنا تھا کہ کرپٹ خاندان کو پاکستانی عوام پر مسلط کر کے کونسی سزا دی جا رہی ہے۔
