By پاکستان تحریک انصاف (پی ٹی آئی ) کے حمایت یافتہ بھگوڑے احمد نورانی کی ملک دشمنی کھل کر سامنے آ گئی ہے، بھارت سے متعلق حقائق دُنیا کے سامنے لانے پر احمد نورانی نے آزاد ڈیجیٹل کے سوشل میڈیا اکاؤنٹس کو بلاک کرانے کے لیے نشانے پر رکھ لیا، آزاد ڈیجٹیل کے خلاف ’ایکس‘ پلیٹ فارم پر باقاعدہ مہم شروع کر دی۔ ڈاکٹر فرحان ورک نے بھی احمد نورانی کو بھارت کا پالتو قرار دے دیا۔
بھگوڑے احمد نورانی نے سماجی رابطے کی ویب سائٹ ’ایکس‘ پر ان تمام خبروں، تبصروں اور ویڈیوز کو ری ٹویٹ کرنا شروع کر دیا ہے جن میں بھارت کے مکروہ چہرے کو بے نقاب کیا گیا ہے۔ بھگوڑے احمد نورانی نے پہلگام فالس فلیگ آپریشن کے بعد آزاد ڈیجیٹل کی بھارت سے متعلق شائع کی جانے والی خبروں، تبصروں اور ویڈیوز کو اپنے ٹویٹ کے ساتھ ٹیگ کرکے شیئر کرنا شروع کر دیا ہے۔
This #FakeNews propaganda cell X account is run by notorious intelligence agency ISI which is involved in killings of hundreds of thousands of human beings.
Plz block and report this Fake News account.
یہ فیک نیوز پراپیگنڈہ اکاؤنٹ آئی ایس آئی چلاتی ہے۔ اسےبلاک اور رپورٹ کریں۔ https://t.co/11C03eF4u0
— Ahmad Noorani (@Ahmad_Noorani) April 29, 2025
آزاد ڈیجیٹل نے پہلگام فالس فلیگ آپریشن سے متعلق ایک بھارتی خاتون کی ویڈیو ’ایکس‘ ہینڈل پر اس کیپشن کے ساتھ شیئر کی کہ ’ پہلگام فالس فلیگ آپریشن، بھارتی عوام نے مودی کی ناکامیوں پر سخت سوال اٹھا دیے، پہلگام حملے کے بعد پاکستان پر الزام تراشی کے بجائے وزیراعظم نے استعفیٰ کیوں نہیں دیا، بھارتی خاتون کا سوال۔
پی ٹی آئی کے حمایت یافتہ بھگوڑے احمد نورانی نے آزاد ڈیجیٹل کی اس ویڈیو کو ری ٹویٹ کرتے ہوئے لکھا کہ ’یہ فیک نیوز پراپیگنڈا اکاؤنٹ ’خفیہ ایجنسی‘ چلاتی ہے، اسے بلاک اور رپورٹ کریں۔ احمد نورانی کی اس ری ٹویٹ پوسٹ سے پاک افواج اور ملک دشمنی کھل کر سامنے آئی ہے۔
آزاد ڈیجیٹل کے ڈاکٹر فرحان ورک کا احمد نورانی کو کرارا جواب
پی ٹی آئی کے بھگوڑے احمد نورانی نے آزاد ڈیجیٹل کے اینکر ڈاکٹر فرحان ورک کے وی لاگ، جس میں انہوں نے بھارت کے ماضی کے فالس فلیگ آپریشن اورجھوٹ کو بے نقاب کرنے کی کوشش کی، اسے بھی ری ٹویٹ کرتے ہوئے بھارتی پالتو نے لکھا کہ ’ ان غلیظ کرداروں کو اب مسترد کریں۔ ان سے چھٹکارہ حاصل کریں۔ قانونی راستے اپنائیں، ہر چیز قانون کے مطابق کریں۔ پاکستان کو بچانے کے لیے ایسے بدبودار کرداروں سے نجات ضروری ہے‘۔
ایسے جاہلوں اور پاکستان دشمن کُتّوں سے محفوظ رہیں۔ ایسے جاہل جہالت پھیلا کر پاکستان کے عام لوگوں کو بے وقوف بنانا چاہتے ہیں۔ اس ایکس/ٹویٹر اکاؤنٹ کو بلاک اور رپورٹ کریں۔ https://t.co/awcZh1jwhd
— Ahmad Noorani (@Ahmad_Noorani) April 29, 2025
ڈاکٹر فرحان ورک نے اپنے وی لاگ میں کہا تھا کہ ’بھارت تجربے کے دوران اپنی نیوکلئیر آبدوز کا دروازہ بند کرنا بھول گیا اور وہ تباہ ہوگئی، ڈاکٹر فرحان ورک نے بھارت کی جنگی صلاحیت کا بھانڈا پھوڑ دیا۔ احمد نورانی نے اس وی لاگ کو ری ٹویٹ کرتے ہوئے کیپشن میں لکھا کہ ’ایسے ’جاہلوں‘ اور ’پاکستان دشمن‘ سے محفوظ رہیں۔ ایسے جاہل جہالت پھیلا کر پاکستان کے عام لوگوں کو بے وقوف بنانا چاہتے ہیں۔
ان غلیظ کرداروں کو اب مسترد کریں۔ ان سے چھٹکارہ حاصل کریں۔ قانونی راستے اپنائیں۔ ہر چیز قانون کے مطابق کریں۔ پاکستان کو بچانے کیلیے ایسے بدبودار کرداروں سے نجات ضروری ہے۔ یہ غلیظ کُتّے ہمیشہ فیک نیوز پھیلاتے ہیں۔ جھوٹی خبریں دے کر عام لوگوں کو بے وقوف بناتے ہیں۔ https://t.co/0YJYMnVLtT
— Ahmad Noorani (@Ahmad_Noorani) April 29, 2025
احمد نورانی کی یہ دوسری ٹویٹ بھی پاکستان دشمنی پر مبنی ہے، جس پر ڈاکٹر فرحان ورک نے احمد نورانی کو ’بھارتی پالتو‘ قرار دیتے ہوئے جواب دیا کہ ’ احمد نورانی مجھے گالیاں دے رہا ہے کیونکہ اس پالتو کے مالک بھارت کو میں نے ٹکر دی ہے‘ ۔
