وزیر اعظم شہباز شریف 25 مئی سے 30 مئی تک ترکیہ، ایران، آذربائیجان اور تاجکستان سمیت 4 دوست ممالک کا سرکاری دورہ کریں گے تاکہ ’بھارت کے ساتھ حالیہ تنازع کے دوران پاکستان کی حمایت پر ان کا شکریہ ‘ کیا جاسکے۔
دفتر خارجہ کی جانب سے جاری بیان کے مطابق وزیراعظم شہباز شریف ان ممالک کے رہنماؤں کے ساتھ تفصیلی تبادلہ خیال کریں گے جس میں دو طرفہ تعلقات، علاقائی اور بین الاقوامی اہمیت کے امور پر تبادلہ خیال کیا جائے گا۔
وہ 29 سے 30 مئی تک تاجکستان کے شہر دوشنبے میں گلیشیئرز سے متعلق بین الاقوامی کانفرنس میں بھی شرکت کریں گے۔
قبل ازیں وزیراعظم شہباز شریف نے پاکستان پیپلز پارٹی (پی پی پی) کے چیئرمین بلاول بھٹو سے بھی ملاقات کی جو حالیہ پاک بھارت کشیدگی کے بعد بین الاقوامی سطح پر پاکستان کا مقدمہ پیش کرنے کے لیے اہم پارلیمنٹیرینز پر مشتمل ایک اعلیٰ سطح کے وفد کی قیادت کریں گے۔
اس موقع پر وزیراعظم نے بلاول بھٹو زرداری سے کہا کہ ’مجھے امید ہے کہ آپ کی قیادت میں یہ وفد جامع اور مؤثر انداز میں پاکستان کا مؤقف اور بیانیہ دنیا کے سامنے پیش کرے گا‘۔
By 
