11 سالہ پاکستانی کھلاڑی کا بڑا کارنامہ ، شطرنج میں سب کو پیچھے چھوڑ دیا

پاکستان میں ٹیلنٹ کی کوئی کمی نہیں ، 11 سالہ سعد جہانگیرمنج نے شطرنج کے کھیل  میں نئی تاریخ رقم کر دی۔

تفصیلات کے مطابق سعد جہانگیر منج شطرنج میں ایرینا انٹرنیشنل ماسٹر (اے آئی ایم) ٹائٹل حاصل کرنے والے پہلے پاکستانی کھلاڑی بن گئے ہیں۔

11 سالہ کھلاڑی کی اس کامیابی کو حکام اور پاکستان اسپورٹس بورڈ (پی ایس بی) کی جانب سے بڑے پیمانے پر سراہا جارہاہے ، یہ کامیابی نہ صرف سعد کے لیے بلکہ پورے ملک کے لیے باعثِ فخر ہے۔

بورڈ نے سعد جہانگیر منج کی کامیابی کی خبر کو اپنے آفیشل سوشل میڈیا اکاؤنٹس پر شیئر کرتے ہوئے اسے پاکستان کے لیے ایک قابلِ فخر لمحہ اور ملک بھر کے نوجوانوں کے لیے متاثر کن کامیابی قرار دیا ہے۔

A proud moment for Pakistan! 🇵🇰
Saad Jahangir Manj becomes Pakistan’s first-ever Arena International Master (AIM) in chess.
An inspiring achievement for youth across the nation.#Chess #RisingStar #PrideOfPakistan #PSB

پاکستان کے لیے باعثِ فخر! 🇵🇰
سعد جہانگیر منج شطرنج میں AIM… pic.twitter.com/T8TL9yv3if

— Pakistan Sports Board (@Pak_SportsBoard) April 29, 2026

پنجاب کے وزیرِ کھیل فیصل ایوب کھوکھر نے سعد کو اس شاندار کامیابی پر مبارک باد دیتے ہوئے کہا ہے کہ یہ نوجوان کھلاڑیوں کے لیے ایک روشن مثال ہے،  شطرنج اور دیگر تمام کھیلوں کو فروغ دینے کی کوششیں جاری رہیں گی۔

یہ بھی پڑھیں : 10 لاکھ روپے تک بلاسود قرض ، حکومت نے نوجوانوں کو خوشخبری سنادی

سعد جہانگیر منج کی یہ کامیابی اس بات کا واضح ثبوت ہے کہ پاکستان میں نوجوانوں کو درست رہنمائی، مواقع اور سپورٹ فراہم کی جائے تو وہ بین الاقوامی سطح پر بھی ملک کا نام روشن کر سکتے ہیں ،  سعد کی یہ شاندار کامیابی نہ صرف اس کے لیے ایک سنگِ میل ہے بلکہ دوسرے بچوں کے لیے بھی ایک حوصلہ افزا مثال ہے۔