جگن کاظم کا دل دکھانے والا انکشاف، مداح کی ویڈیو نے پریشان کر دیا

اداکارہ اور میزبان جگن کاظم نے ایک نجی ٹی وی شو میں اپنے ساتھ پیش آنے والا ایک تکلیف دہ واقعہ شیئر کیا ہے۔جس میں انہوں نےانکشاف اپنی جذباتی کیفیت میں بنائی گئی ویڈیو کا ذکر کیا جوان کے ایک مداح نے بنائی تھی۔

انہوں نے بتایا کہ ان کی والدہ کی طبیعت خراب تھی اور وہ خود شدید ذہنی دباؤ میں تھیں۔ وہ اسپتال جانے کے بجائے گھر پر ڈاکٹر بلانے کی کوشش کر رہی تھیں اور اسی دوران وہ مارکیٹ میں موجود تھیں جہاں ان کی آنکھوں میں پریشانی اور آنسو تھے۔

یہ بھی پڑھیں :پنجاب میں فلم انڈسٹری کے لیے بڑا قدم، فلم سٹی اتھارٹی بل منظور

اسی موقع پر ایک مداح لڑکی نے ان کی ویڈیو بنانی شروع کر دی حالانکہ جگن کاظم واضح طور پر جذباتی کیفیت میں تھیں۔ اداکارہ کے مطابق وہ اس وقت اتنی پریشان تھیں کہ اس بات پر ردعمل بھی نہیں دے سکیں کہ ویڈیو نہ بنائی جائے۔

یہ بھی پڑھیں :میرا کی ہسپتال ویڈیو ، والد کے بارے میں دعووں نے نیا سوال کھڑا کر دیا

انہوں نے کہا کہ مشہور شخصیات بھی عام انسان ہیں ان کی بھی ذاتی زندگی، دکھ اور فیملی مسائل ہوتے ہیں۔ ایسے لمحات میں ان کی پرائیویسی کا احترام کرنا ضروری ہے۔

جگن کاظم نے زور دیا کہ سوشل میڈیا کے دور میں ہر چیز کو وائرل بنانے کی کوشش کے بجائے انسانیت اور حساسیت کو ترجیح دینی چاہیے۔