چیف آف آرمی اسٹاف جنرل سیّد عاصم منیر سے جنوبی اور وسطی ایشیا امور کے سینیئر بیورو افسر ایرک میئر کی قیادت میں امریکا کے اعلیٰ سطح کے وفد نے ملاقات کی ہے۔
پاک فوج کے شعبہ تعلقات عامہ (آئی ایس پی آر) کے مطابق یہ ملاقات منرلز انویسٹمنٹ فورم 2025 کے پس منظر میں ہوئی۔ وفد نے منرلز انویسٹمنٹ فورم کو سراہتے ہوئے باہمی فائدہ مند شراکت داری کے ذریعے وسیع غیر استعمال شدہ معدنی دولت کو تیار کرنے کی پاکستان کی پالیسی پر اعتماد کا اظہار کیا۔
آئی ایس پی آر نے بتایا کہ ملاقات میں امریکی وفد نے پاکستان میں سرمایہ کاری سے متعلق دلچسپی کا بھی اظہار کیا اور کہا کہ امریکی انتظامیہ منرلز ڈویلپمنٹ پر پاکستان سے تعاون کی خواہاں ہے۔
فوج کے شعبہ تعلقات عامہ نے بتایا کہ ملاقات نے دونوں فریقین کو عالمی پیش رفت اور پاکستان کی علاقائی سلامتی کے تقاضوں کے بارے میں نقطہ نظر کا تبادلہ کرنے کا موقع فراہم کیا۔
By 
