ملک بھر میں پورا ہفتہ موسم کیسا رہے گا؟محکمہ موسمیات نےپیشگی اطلاع دیدی

ملک کے بیشتر علاقوں میں شدید سردی کی لہر برقرار، بارش کا کوئی امکان نہیںمحکمہ موسمیات کے مطابق ملک کے بیشتر علاقوں میں موسم سرد اور خشک رہے گا جبکہ بارش کا کوئی امکان نہیں ہے۔بالائی علاقوں، خصوصاً پنجاب، بالائی سندھ، خیبرپختونخوا اور کشمیر میں شدید سردی کی لہر برقرار رہنے کا امکان ہے 09 اور 10 جنوری کو ملک کے زیادہ تر علاقوں میں موسم سرد اور خشک رہے گا۔

پنجاب، بالائی سندھ اور خیبرپختونخوا کے میدانی علاقوں میں صبح کے اوقات میں دھند چھائے رہنے کا امکان ہے، جبکہ بالائی علاقوں اور کشمیر میں شدید سردی برقرار رہے گی۔11 جنوری سے ملک کے شمالی علاقوں میں سردی کی شدت میں مزید اضافہ متوقع ہے۔

یہ بھی پڑھیں :ملک میں آئندہ 24 گھنٹوں کے دوران موسم کیسا رہے گا؟

بالائی پنجاب، خیبرپختونخوا، گلگت بلتستان اور کشمیر میں موسم شدید سرد اور خشک رہے گا۔ بعض علاقوں میں درجہ حرارت معمول سے کافی کم رہنے کا امکان ہے۔12 سے 14 جنوری کے دوران ملک کے بیشتر حصوں میں سرد اور خشک موسم برقرار رہے گا۔میدانی علاقوں میں دھند چھائے رہنے کا امکان ہے ۔

شمالی علاقوں میں شدید سردی اور پہاڑی علاقوں میں یخ بستہ ہوائیں چلنے کی توقع ہے۔15 جنوری کو بھی صورتحال میں کوئی بڑی تبدیلی متوقع نہیں، ملک کے بیشتر علاقوں میں موسم سرد اور خشک رہے گا۔

بلوچستان کے شمالی اضلاع اور بالائی علاقوں میں شدید سردی برقرار رہنے کا امکان ہے،محکمہ موسمیات نے شہریوں کو سردی اور دھند کے پیش نظر احتیاطی تدابیر اختیار کرنے کی ہدایت کی ہے، خصوصاً مسافروں کو محتاط رہنے کا مشورہ دیا گیا ہے۔