رمضان سے قبل صوبائی حکومت نے آٹے کی نئی قیمتیں مقرر کردیں

صوبائی حکومت کی جانب سے رمضان المبارک سے قبل کراچی میں آٹے کی قیمتوں میں 8 روپے فی کلو اضافہ کر دیا گیا ہے۔نجی ٹی وی کے مطابق کمشنر کراچی نے نئی قیمتوں کا نوٹیفکیشن جاری کرتے ہوئے کہا ہے کہ ان پر اطلاق فوری ہوگا۔

نوٹیفکیشن کے مطابق اب کراچی میں روٹی اور نان کی قیمتیں مندرجہ ذیل مقرر کی گئی ہیں

یہ خبر بھی پڑھیں :پیٹرولیم مصنوعات کی نئی قیمتوں کا اعلان کردیا گیا

چپاتی (100 گرام): 14 روپے

تندوری نان: 27 روپے

ایک سو چالیس سے ایک سو پچاس گرام نان: 21 روپے کا ہوگیا

دیگر نان کے اقسام کی قیمتیں  بھی نوٹیفکیشن کے مطابق بڑھا دی گئی ہیں۔

حکام کا کہنا ہے کہ یہ اقدام رمضان المبارک میں مہنگائی کے اثرات اور گندم کی بڑھتی ہوئی قیمتوں کے پیش نظر کیا گیا ہے۔ شہریوں سے درخواست کی گئی ہے کہ وہ نئی قیمتوں کے مطابق خریداری کریں اور کسی غیر قانونی قیمت پر سامان فروخت کرنے والے دکانداروں کی اطلاع متعلقہ حکام کو دیں۔

اس فیصلے کے بعد کراچی میں روزمرہ کی مصنوعات کی قیمتوں میں معمولی اضافہ متوقع ہے اور عوام کو رمضان کے دوران بجٹ کے مطابق خریداری کی منصوبہ بندی کرنے کی ہدایت کی گئی ہے۔