سنیتا مارشل کی یاداشت کا مسئلہ، حسن احمد نے پہلی بار تفصیل بتا دی

معروف پاکستانی اداکار اور ماڈل حسن احمد نے اپنی اہلیہ، اداکارہ سنیتا مارشل کی یادداشت سے متعلق ایک دلچسپ ذاتی بات شیئر کرتے ہوئے کہا ہے کہ بعض اوقات ان کی بھولنے کی عادت روزمرہ معاملات میں الجھن کا باعث بن جاتی ہے۔

 حال ہی میں ایک انٹرویو کے دوران حسن احمد نے بتایا کہ سنیتا مارشل خود بھی اس بات کو تسلیم کرتی ہیں کہ انہیں بعض اوقات چیزیں یاد رکھنے میں دشواری پیش آتی ہے۔ ان کے بقول گھریلو امور، خصوصاً بچوں کی سرگرمیوں اور اسکول سے متعلق معاملات میں اکثر ایسا ہوتا ہے کہ سنیتا سمجھتی ہیں وہ کسی بات سے انہیں پہلے ہی آگاہ کر چکی ہیں، جبکہ حقیقت میں ایسا نہیں ہوتا۔

یہ بھی پڑھیں :کاکروچ جنتا پارٹی کی حمایت میں پرکاش راج بھی سامنے آگئے

حسن احمد نے کہا کہ کئی بار سنیتا کو یقین ہوتا ہے کہ وہ تمام ضروری معلومات انہیں دے چکی ہیں، لیکن بعد میں معلوم ہوتا ہے کہ وہ بات شیئر ہی نہیں کی گئی تھی۔ اس صورتحال کے باعث کبھی کبھار دونوں کے درمیان غلط فہمیاں بھی پیدا ہو جاتی ہیں۔

اداکار کا کہنا تھا کہ وقت کے ساتھ سنیتا مارشل نے بھی اس مسئلے کو تسلیم کر لیا ہے، جس کے بعد دونوں نے روزمرہ معاملات کو زیادہ منظم انداز میں چلانے کی کوشش شروع کر دی ہے۔

یہ بھی پڑھیں :فلمی دنیا سے سیاست تک، وجے کے فیصلے نے رام چرن کو بھی متاثر کر دیا

انہوں نے مزید بتایا کہ اب وہ بچوں کی مصروفیات، اسکول کے پروگرامز اور دیگر اہم امور سے متعلق منصوبہ بندی میں زیادہ احتیاط سے کام لیتے ہیں تاکہ کسی قسم کی الجھن یا غلط فہمی سے بچا جا سکے۔

حسن احمد اور سنیتا مارشل کا شمار پاکستان کی شوبز انڈسٹری کی مقبول ترین جوڑیوں میں ہوتا ہے، جو اکثر اپنی نجی زندگی سے متعلق دلچسپ باتیں مداحوں کے ساتھ شیئر کرتے رہتے ہیں۔