انسٹاگرام کا نیا فیچر، ریلز اور ڈی ایمز سے متعلق اہم تبدیلیاں متوقع

فوٹو شیئرنگ پلیٹ فارم انسٹاگرام کے سربراہ ایڈم موسیری نے اعلان کیا ہے کہ انسٹاگرام پر ٹیبز کی نئی ترتیب کے ساتھ مینو بار کی آزمائش شروع کی گئی ہے۔ نئے مینو بار میں ایپ کے دو مقبول فیچرز، ریلز اور ڈی ایمز، کے لیے مخصوص ٹیبز شامل کیے گئے ہیں۔

ذرائع کے مطابق جن صارفین کو اس آزمائش کے لیے منتخب کیا گیا ہے، ان کے انسٹاگرام کے موجودہ مینو بار کو نئے لے آؤٹ سے تبدیل کر دیا جائے گا۔ اس نئے لے آؤٹ میں سرچ ٹیب کی جگہ ریلز اور ریلز کی جگہ سرچ ٹیب رکھی جائے گی، جبکہ نئے پوسٹ کے لیے مخصوص ٹیب کو نئے ڈی ایمز ٹیب سے بدل دیا جائے گا۔

میٹا کی جانب سے کیے جانے والے اس تجربے میں دونوں ٹیبز کے درمیان تبدیلی کا آپشن بھی رکھا گیا ہے۔

اس ٹیسٹ کے اعلان سے یہ بات واضح ہوتی ہے کہ صارفین کو اس طرح کی تبدیلیوں کے ساتھ مانوس ہونے میں وقت لگ سکتا ہے، اسی لیے نیا لے آؤٹ فی الحال آپشنل رکھا گیا ہے۔

یہ بھی پڑھیں: واٹس ایپ کا انسٹاگرام کی طرز کا نیا فیچر متعارف