خیبر پختونخواہ حکومت کے صوبائی وزیر نے اپنے ہی پارٹی کارکن اور مشہور سوشل میڈیا ایکٹیوسٹ کو لیگل نوٹس بھیج دیا

خیبر پختونخواہ حکومت کے صوبائی وزیر نے اپنے ہی پارٹی کارکن اور مشہور سوشل میڈیا ایکٹیوسٹ کو لیگل نوٹس بھیج دیا۔

تفصیلات کے مطابق وزیر ہاؤسنگ خیبرپختونخوا ڈاکٹر امجد علی نے تحریک انصاف کے سوشل میڈیا ایکٹوسٹ شکیل شیخ کو لیگل نوٹس جاری کر دیا۔

ذرائع کے مطابق سوشل میڈیا ایکٹوسٹ شکیل شیخ نے وزارت ہاؤسنگ کے منصوبوں میں ہونے والی مبینہ کرپشن کو بے نقاب کرنے کے لئے ویڈیو جاری کی تھی۔

کرپشن کو روکنے کی بجائے صوبائی وزیر شکیل شیخ کو لیگل نوٹس بھیج کر قانونی کاروائی کی دھمکی دی ہے۔

یہ بھی پڑھیں: پاکستان خطے میں کشیدگی کے خاتمے کیلئے اپنا کردار ادا کررہا ہے، ترجمان دفترخارجہ

دوسری جانب وزیراعلیٰ خیبر پختونخوا سہیل آفریدی کی جانب سے سرکاری افسران کو حکومت پر تنقید کرنے والے میڈیا ہاوسز کے خلاف قانونی کارروائی کی ہدایت کی گئی ہے۔

سہیل آفریدی نے تمام صوبائی سیکرٹریز کو ہدایت کی کہ کرپشن سے متعلق رپورٹنگ کرنے والے میڈیا ہاوسز کو تین دن کے اندر لیگل نوٹسز بھیجے جائیں۔

آڈیو میں سہیل آفریدی نے مزید کہا ہے کہ جو سرکاری افسر میڈیا ہاؤسز کے خلاف قانونی کارروائی نہیں کرے گا، اس کے خلاف چوتھے روز کارروائی کی جائے گی۔

خیبر پختونخوا میں آزاد صحافت کا گلا گھونٹنے کی کوشش کی جارہی ہے اور سہیل آفریدی نے سرکاری افسران کو تین دن میں میڈیا ہاؤسز کے خلاف قانونی کارروائی کی ہدایت دی ہے۔