ایزی پیسہ نے بینک سے والٹ میں رقم کی منتقلی پر 2 فیصد سروس چارجز یا ٹیکس عائد کیے جانے کی خبروں کو سراسر غلط اور گمراہ کن قرار دیتے ہوئے مسترد کر دیا ہے۔
ادارے کا کہنا ہے کہ صارفین پہلے کی طرح اپنے اکاؤنٹس میں بلا کسی اضافی کٹوتی کے رقم وصول کر رہے ہیں اور اس حوالے سے کوئی نئی فیس لاگو نہیں کی گئی۔
سوشل میڈیا پر زیرِ گردش افواہوں کی حقیقت
حالیہ دنوں میں سوشل میڈیا کے مختلف پلیٹ فارمز پر یہ دعوے تیزی سے پھیل رہے تھے کہ ایزی پیسہ نے بینک اکاؤنٹس سے ایزی پیسہ والٹس میں فنڈز منتقل کرنے پر صارفین سے 2 فیصد کٹوتی یا فیس وصول کرنا شروع کر دی ہے۔
ان افواہوں کے بعد لاکھوں صارفین میں تشویش کی لہر دوڑ گئی تھی کیونکہ اس سروس کا استعمال روزمرہ کی بنیاد پر کیا جاتا ہے۔
تاہم، ادارے کے قریبی ذرائع نے ان تمام خبروں کی تردید کرتے ہوئے واضح کیا ہے کہ اس قسم کا کوئی ٹیکس یا فیس عائد نہیں کی گئی ہے۔
بینک اکاؤنٹس سے ایزی پیسہ والٹ میں منتقل ہونے والی رقوم اب بھی مکمل طور پر مفت ہیں اور صارفین کو اس حوالے سے کسی بھی قسم کے چارجز کا سامنا نہیں ہے۔
صارفین کے لیے ہدایات اور سرکاری ذرائع کا استعمال
میڈیا رپورٹ کے مطابق ایزی پیسہ نے اپنے صارفین کو خبردار کیا ہے کہ وہ سوشل میڈیا پر آنے والی ہر غیر مصدقہ خبر پر اندھا دھند یقین نہ کریں۔
کوئی بھی افواہ پھیلانے یا اس پر عمل کرنے سے پہلے فیس اور قیمتوں سے متعلق معلومات صرف ایزی پیسہ کے باضابطہ اور آفیشل چینلز کے ذریعے لازمی تصدیق کر لینی چاہییں ۔
یہ اقدام اس بات کو یقینی بنانے کے لیے اٹھایا گیا ہے کہ صارفین کسی بھی غلط فہمی یا فراڈ کا شکار ہونے سے بچ سکیں۔
ڈیجیٹل ادائیگیاں
پاکستان میں ڈیجیٹل اور موبائل والٹس کا استعمال روز بروز بڑھ رہا ہے، جہاں لاکھوں افراد روزانہ کی بنیاد پر بینک ٹو والٹ اور والٹ ٹو بینک ٹرانزیکشنز کرتے ہیں۔
ماضی میں بھی موبائل والٹس پر مختلف ٹیکسز یا سروس چارجز کی افواہیں اکثر و بیشتر سوشل میڈیا کی زینت بنتی رہی ہیں، جنم کا مقصد اکثر صارفین میں بے چینی پھیلانا ہوتا ہے۔
ایزی پیسہ جیسے بڑے مالیاتی ادارے کی جانب سے بروقت تردید نہ صرف صارفین کے خدشات کو دور کرتی ہے بلکہ ڈیجیٹل فنانس کے نظام پر عوام کا اعتماد بھی بحال رکھتی ہے۔
افواہوں کی روک تھام اور ڈیجیٹل اکوسسٹم کا تحفظ
اس واقعے کا اگر گہرائی سے جائزہ لیا جائے تو یہ بات عیان ہوتی ہے کہ سوشل میڈیا پر گردش کرنے والی فرضی خبریں کتنی تیزی سے خوف و ہراس پھیلا سکتی ہیں۔
موجودہ دور میں جب ملک بھر میں ڈیجیٹل پیمنٹ سسٹمز کو فروغ دیا جا رہا ہے، اس طرح کی منفی افواہیں فنانشل ان کلژن (مالیاتی شمولیت) کے عمل کو نقصان پہنچا سکتی ہیں۔
ایزی پیسہ کی جانب سے فوری اور واضع تردید جاری کرنا ایک بہترین قدم ہے جس نے بروقت صورتحال کو سنبھال لیا۔
تاہم صارفین کو بھی چاہیے کہ وہ کسی بھی مالیاتی خبر کو شیئر کرنے سے پہلے اس کی مستند ذرائع سے تصدیق کرنے کی عادت اپنائیں تاکہ غلط معلومات کے پھیلاؤ کو روکا جا سکے۔
