سعودی عرب، 10 ہزار سے زائد غیر قانونی تارکین وطن ملک بدر

غیر ملکی خبر رساں ادارے کی رپورٹ کے مطابق مملکت میں یکم سے 7 جنوری تک 11 ہزار 710 افراد کو اقامہ قانون، 4 ہزار239 کوغیر قانونی سرحد عبور کرنے کی کوشش اور 2 ہزار 887 کو قانون محنت کی خلاف ورزی پر گرفتار کیا گیا۔ 10 ہزار 195 غیر قانونی تارکین کو ملک بدر کردیا گیا۔

رپورٹس کے مطابق غیر قانونی طور پر سعودی عرب میں داخل ہونے کی کوشش پر ایک ہزار 741 افراد کو گرفتار کیا گیا۔

حراست میں لئے گئے 60 فیصد ایتھوپین، 39 فیصد یمنی اور ایک فیصد کا تعلق دیگر ممالک سے ہے، 46 ایسے افراد کو بھی حراست میں لیا گیا ہے جو سرحد پار کرکے مملکت سے ہمسایہ ممالک میں داخل ہونے کی کوششوں میں مصروف تھے۔

مزید پڑھیں: پنجاب میں شدید دھند کا سلسلہ برقرار، موٹر ویز پر ٹریفک بند

حکام کا کہنا ہے کہ سفر، رہائش، روزگار اور پناہ دینے کی کوششوں میں ملوث 19 افراد کو بھی گرفتار کرلیا گیا ہے۔