مسجدِ نبوی ﷺ میں افطاری کرانے والوں کیلئے نئے قوانین متعارف کروا دیے گئے۔
عرب میڈیا کے مطابق پیشگی اجازت نامہ (پرمٹ) لینا لازمی ہو گا، جنرل اتھارٹی برائے حرمین شریفین نے افطار فراہم کرنے کے خواہش مند افراد اور اداروں کے لیے ایک آن لائن پورٹل متعارف کرا دیا ہے۔
جو افراد افطاری کرانے کی سعادت حاصل کرنا چاہتے ہیں اس پورٹل کے ذریعے ان کا اندراج کیا جائے گا، اتھارٹی کی جانب سے منظور شدہ کمپنیوں اور افراد کو ہی افطاری کرانے کے اجازت دی جائے گی، جن کی باقاعدہ فہرست شائع کی جائے گی۔
افطار کرانے والے بنیادی مینیو میں قانون کے مطابق 2 اضافی اشیا شامل کر سکیں گے، اتھارٹی برائے حرمین شریفین کے مطابق افطاری کرانے والوں کے اندراج سے افطاری کو منظم اور باوقار انداز سے تکمیل کو پہنچایا جا سکے گا۔
By 
