فیلڈ مارشل سید عاصم منیر کا مصر، اردن اور سعودی عرب کا دورہ کامیاب ملٹری ڈپلومیسی کی شاندار مثال

فیلڈ مارشل سید عاصم منیر کا اہم عرب ممالک — مصر، اردن اور سعودی عرب — کا دورہ کامیاب ملٹری ڈپلومیسی کی شاندار مثال قرار دیا جا رہا ہے۔ ان دوروں کے دوران عرب قیادتوں نے پاکستان کی مسلح افواج پر مکمل اعتماد اور بھرپور اعتماد کا اظہار کیا۔

ان اہم ملاقاتوں میں انسدادِ دہشت گردی، دفاعی تعاون اور انٹیلی جنس کے شعبوں میں اشتراکِ عمل سے متعلق تفصیلی بات چیت کی گئی۔ فیلڈ مارشل کے یہ دورے مسلم ممالک کے مابین عسکری اتحاد، یکجہتی اور تعاون کی مضبوط علامت بن کر سامنے آئے ہیں۔

فیلڈ مارشل سید عاصم منیر کے ان سفارتی و عسکری رابطوں کے نتیجے میں پاکستان کا خطے میں امن، استحکام اور مشترکہ سلامتی کے لیے کلیدی کردار مزید نمایاں ہوا ہے۔

آرمی چیف کی فعال عسکری سفارتکاری پاکستان کے عالمی وقار میں اضافے کا باعث بن رہی ہے۔ معرکۂ حق کے بعد کامیاب ملٹری ڈپلومیسی کی بدولت پاکستان عالمی افق پر ایک مضبوط، باوقار اور مؤثر تشخص کے ساتھ ابھر رہا ہے۔

یہ بھی پڑھیں: عالمی برادری تنازع کشمیر کی سنگینی کو سمجھتے ہوئے مسئلہ حل کروائے، پاکستانی سفیر رضوان سعید شیخ