By وفاقی وزارت اطلاعات پاکستان کی طرف سے کہا گیا ہے کہ ہم نے آج مظفرآباد میں چند مخصوص پولنگ اسٹیشنز سے الجزیرہ کی جانب سے کی جانے والی یکطرفہ رپورٹنگ کا نوٹس لیا ہے۔
مخصوص اوقات کا انتخاب کرکے اور منتخب افراد سے تیار شدہ بیانات نشر کروا کر چینل نے آزاد جموں و کشمیر کے انتخابات اور ووٹنگ کے عمل کو غلط انداز میں پیش کرنے کی کوشش کی ہے۔
یہ بھی پڑھیں :الجزیرہ کی پاکستان مخالف ایک اور خبر جھوٹی نکلی، معافی کی ٹویٹ کردی
اس قسم کی زرد صحافت صرف ان بیرونی عناصر کے ایجنڈے کی تصدیق کرتی ہے جن کے مفادات وابستہ ہیں اور جو اس انتخابی عمل کو متنازع بنانے اور آزاد جموں و کشمیر کے عوام کی رائے کو کمزور کرنے کی کوشش کر رہے ہیں۔
وزارت اطلاعات کی طرف سے کہا گیا ہے کہ مظفرآباد اور آزاد کشمیر کے عوام نے آج اپنے ووٹ کے ذریعے انتشار اور دباؤ کی سیاست کو مسترد کرتے ہوئے اپنی حقیقی عوامی رائے کا واضح اظہار کیا ہے جبکہ الجزیرہ نے آزاد کشمیر کے الیکشن عمل کو یکطرفہ اورگمراہ کن طریقے سے پیش کرنے کی کوشش کی ۔
We have taken note of Al Jazeera’s selective reporting from handpicked polling stations in Muzaffarabad today. Through carefully chosen timings and scripted statements from selected individuals, the channel has sought to misrepresent the AJK elections and the voting process.
Such…— Ministry of Information & Broadcasting (@MoIB_Official) August 2, 2026
