پاکستان کے عمیرعارف نے ہانگ کانگ جونیئر اسکواش اوپن انڈر 17 ٹائٹل اپنے نام کرلیا

پاکستان کے نوجوان اسکواش کھلاڑی عمیر عارف کی بڑی کامیابی ، ہانگ کانگ جونیئر اسکواش اوپن کا انڈر 17 ٹائٹل جیت لیا ۔

انڈر 17 کے فائنل میں سخت مقابلے کے بعد عمیر عارف نے انگلینڈ کے لیوک میک برائیڈ کو 2-3 سے شکست سے دوچار کیا ۔

یہ بھی پڑھیں : قومی کرکٹرز کو بیرون ملک لیگز کھیلنے کی اجازت مل گئی ، این او سی جاری

دونوں کھلاڑیوں کے درمیان فیصلہ کن معرکے میں عمیر عارف نے ابتدائی گیم 4-11 سے ہارنے کے بعد عمدہ کم بیک کیا اور اگلی دو گیمز 11-6 اور 11-5 سے جیت لیں۔

انگلش کھلاڑی نے چوتھی گیم 11-9 سے جیت کر مقابلہ برابر کیا، تاہم عمیر عارف نے فیصلہ کن پانچویں گیم میں 11-4 سے کامیابی حاصل کرکے ٹائٹل اپنے نام کرلیا۔

یہ بھی پڑھیں :پاکستان کرکٹ چھوڑنے کی خبریں ، خوشدل شاہ نے خاموشی توڑ دی

واضح رہے کہ عمیر عارف ورلڈ جونیئر اور ایشین جونیئر اسکواش چیمپئن شپ میں پاکستان کی نمائندگی بھی کرچکے ہیں۔