شادی کی خبروں پر بلاول بھٹو کا ردعمل آگیا، نہ بات پکی ہوئی نہ منگنی

چیئرمین پاکستان پیپلز پارٹی بلاول بھٹو زرداری نے اپنی شادی سے متعلق سوشل میڈیا پر گردش کرنے والی خبروں کی تردید کرتے ہوئے ایکس پر بیان میں کہا ہے کہ نہ بات پکی ہوئی ہے، نہ منگنی ہوئی اور نہ ہی شادی ہوئی ہے۔

بلاول بھٹو زرداری نے کہا کہ اصل میں یہ سارا تماشا سوشل میڈیا نے لگایا ہے، جہاں ان کی شادی سے متعلق مختلف خبریں اور دعوے گردش کر رہے ہیں،چیئرمین پیپلز پارٹی نے کہا کہا ایک تو سوشل میڈیا نے میری بات پکی کروا دی، منگنی اور شادی بھی کروا دی ہے،انہوں نے واضح کیا کہ ان کی منگنی یا شادی سے متعلق سوشل میڈیا پر سامنے آنے والی اطلاعات درست نہیں ہیں۔

ایک تو سوشل میڈیا نے میری بات پکی کروادی، منگنی اور شادی بھی کروادی ہے
میں واضح کروں کہ ایسا کچھ نہیں ہوا ہے اور نہ ہی میں کسی پرنسز گلوریا کو جانتا ہوں
سوشل میڈیا پر یہ تماشے حقیقی ایشوز پر سے توجہ ہٹانے کے لئے ہوتے ہیں۔ pic.twitter.com/zI6OljDC3r

— Bilawal Bhutto Zardari (@BBhuttoZardari) August 31, 2026

بلاول بھٹو نے ان خبروں کی بھی تردید کی جن میں ان کا نام کسی پرنسز گلوریا کے ساتھ جوڑا جا رہا ہے، ان کا کہنا تھا کہ وہ کسی پرنسز گلوریا کو جانتے تک نہیں،انہوں نے واضح کیا کہ ان کی شادی یا منگنی کے حوالے سے ایسا کچھ نہیں ہوا جس کا سوشل میڈیا پر دعویٰ کیا جا رہا ہے۔

بلاول بھٹو نے کہا کہ سوشل میڈیا پر اس طرح کے تماشے حقیقی مسائل سے توجہ ہٹانے کیلئے کیے جاتے ہیں،انہوں نے کہا کہ غیر مصدقہ ذاتی خبروں کو پھیلانے کے بجائے عوامی اور ملکی مسائل پر توجہ دینی چاہیے۔