By رواں سال ہیوی گاڑیوں کی ٹکر سے ہونے والے حادثات میں اب تک 211 افراد جاں بحق ہوچکے ہیں، ریسکیو کی جانب سے جاری کیے گئے اعداد و شمار میں مختلف اقسام کی بھاری گاڑیوں سے ہونے والے حادثات اور ان میں جاں بحق افراد کی تعداد سامنے آگئی ہے۔
ٹریلر حادثات
ریسکیو کے اعداد و شمار کے مطابق رواں سال ٹریلر کی ٹکر سے ہونے والے حادثات میں 96 افراد جان کی بازی ہار چکے ہیں، جو ہیوی گاڑیوں سے ہونے والی اموات میں سب سے زیادہ تعداد ہے۔
واٹر ٹینکر
اعداد و شمار کے مطابق واٹر ٹینکر کی ٹکر سے بھی بڑی تعداد میں شہری زندگی سے محروم ہوئے، رواں سال واٹر ٹینکر کی زد میں آکر 51 افراد جاں بحق ہوئے۔
بس حادثات
ریسکیو کے مطابق بسوں کی ٹکر سے ہونے والے حادثات میں 30 افراد جاں بحق ہوچکے ہیں، بھاری گاڑیوں کی آمدورفت کے باعث ہونے والے حادثات میں بسیں بھی اموات کی ایک بڑی وجہ سامنے آئی ہیں۔
یہ بھی پڑھیں :ایم ٹی آنر 25 کی بازیابی کے دوران جاں بحق پاکستانیوں کی میتیں کراچی پہنچا دی گئیں
مزدا کی ٹکر
رواں سال مزدا گاڑیوں کی ٹکر سے ہونے والے حادثات میں 20 افراد جاں بحق ہوئے، ریسکیو کے جاری کردہ اعداد و شمار میں مزدا سے متعلق حادثات کو بھی مجموعی اموات میں شامل کیا گیا ہے۔
ڈمپر حادثات
اعداد و شمار کے مطابق ڈمپر کی ٹکر سے رواں سال 14 افراد جاں بحق ہوئے، ڈمپر سمیت دیگر بھاری گاڑیوں کے حادثات میں جانی نقصان کی صورتحال نے شہریوں کے تحفظ سے متعلق خدشات کو نمایاں کیا ہے۔
مجموعی صورتحال
ریسکیو کے مطابق رواں سال ڈمپر، ٹریلر، واٹر ٹینکر، مزدا اور بس کی ٹکر سے مجموعی طور پر 211 افراد جاں بحق ہوچکے ہیں،جاری کیے گئے اعداد و شمار میں ٹریلر اور واٹر ٹینکر کی ٹکر سے ہونے والی اموات کی تعداد سب سے زیادہ ہے، جبکہ ڈمپر، مزدا اور بس حادثات میں بھی درجنوں افراد جان کی بازی ہار چکے ہیں، یہ اعداد و شمار بھاری گاڑیوں سے پیش آنے والے ٹریفک حادثات میں قیمتی انسانی جانوں کے ضیاع کی سنگینی کو ظاہر کرتے ہیں۔
