افغان مہاجرین یورپ کیلئے سکیورٹی رسک، سویڈن نے بھی الٹی میٹم دیدیا

یورپ میں مقیم افغان مہاجرین کی بعض غیر قانونی اور مجرمانہ سرگرمیوں کے باعث سیکیورٹی خدشات میں تشویشناک اضافہ ہوگیا ہے، جس پر سویڈن نے سخت موقف اختیار کرتے ہوئے فوری اور مؤثر اقدامات کا مطالبہ کر دیا ہے۔

 جرمنی، ایران اور ترکیہ کے بعد اب سویڈن بھی افغان مہاجرین کو ملک چھوڑنے کا الٹی میٹم جاری کردیا، اس حوالے سے سویڈن کے وزیر  برائے امیگریشن کا افغان مہاجرین سے متعلق سخت موقف سامنے آگیا۔

بین الاقوامی میڈیا رپورٹس کے مطابق سویڈن نے یورپی یونین سے مطالبہ کیا کہ مہاجرین سے متعلق دستاویزات کا ایک مشترکہ اور مؤثر نظام متعارف کرایا جائے تاکہ غیر قانونی مہاجرین کی نشاندہی اور ملک بدری کے عمل کو تیز کیا جا سکے۔

سویڈش وزیر کا کہنا تھا کہ اگر اس معاملے پر بروقت کارروائی نہ کی گئی تو عوام کا ریاستی اداروں پر اعتماد ختم ہو سکتا ہے۔

سویڈن کے وزیر برائے امیگریشن نے افغان مہاجرین سے متعلق واضح کیا کہ جرائم میں ملوث کسی بھی افغان مہاجر کو ہماری سوسائٹی میں رہنے کی اجازت نہیں دی جا سکتی۔

یہ بھی پڑھیں : امریکی پابندیوں کے بعد بھارت کا ایران کی چابہار بندرگاہ سے انخلا

سویڈن کے وزیر برائے امیگریشن نے اس بات پر زور دیا کہ جرائم میں ملوث افغان مہاجرین کو ہر قیمت پر ملک بدر کیا جائے گا، جبکہ اس مقصد کے لیے چارٹر فلائٹس کے ذریعے ملک بدری کی تجویز بھی زیر غور ہے، غیر قانونی مہاجرین کی واپسی کے معاملے پر تمام یورپی ممالک اصولی طور پر متفق ہیں۔

رواں ہفتے برطانیہ بھی منشیات اور انسانی اسمگلنگ میں ملوث افغان گینگ کو ملک بدر کر کے بیلجیم جیل بھیج چکا ہے ، یورپ میں مہاجرین کے نام پر اسمگلنگ، جنسی تشدد اور منظم جرائم میں ملوث افغان باشندے سیکورٹی خطرہ بن چکے ہیں۔