نمرہ خان کے شوہر نے اداکارہ سے طلاق کی تصدیق کردی، وجہ بھی بتادی

پاکستانی اداکارہ نمرہ خان کے سابق شوہر زین حامد نے نمرہ سے طلاق کی تصدیق کردی ہے ۔

اداکارہ نمرہ خان نے مئی 2026 میں برطانیہ میں مقیم پائلٹ زین حامد سے شادی کی تھی ، شادی کے بعد اداکارہ نے نئی زندگی کے آغاز پر خوشی کا اظہار کرتے مختلف پوسٹس بھی شیئر کیں ،بعد ازاں مخصوص سوشل میڈیا پوسٹس کے بعد دونوں کے درمیان علیحدگی کی افواہیں گردش کرنے لگیں۔

نمرہ خان نے اس وقت افواہوں کی تردید کرتے ہوئے کہا تھا کہ سب کچھ ٹھیک ہے اور نظرِ بد سے بچنے کے لیے اپنی شادی کی تصاویر سوشل میڈیا سے ہٹائی ہیں، تاہم اب زین حامد نے انسٹاگرام پوسٹ کے ذریعے طلاق کی تصدیق کرتے ہوئے بتایا ہے کہ انہوں  نے 17 جولائی کو نمرہ خان کو طلاق دیدی  تھی جس کی وجہ ناقابلِ حل ذاتی اختلافات اور مختلف ترجیحات تھیں۔

یہ بھی پڑھیں: نمرہ خان کے شوہر پر فضاعلی برہم ، کھری کھری سنا دیں

زین حامد کے مطابق وہ  کسی پر الزام عائد نہیں کرنا چاہتے  جبکہ طلاق کی قانونی کارروائی بھی شروع کردی گئی ہے اور معاملہ وکلا دیکھ رہے ہیں۔

انہوں نے نمرہ خان کے لیے نیک خواہشات کا اظہار کرتے ہوئے کہا کہ یہ باہمی رضامندی سے ہونے والی علیحدگی ہے اور مرد و عورت دونوں کے لیے یکساں طور پر مشکل ہے۔

نمرہ خان کی دوسری شادی کے اختتام کی تصدیق سامنے آنے پر سوشل میڈیا صارفین کی جانب سے ملے جلے ردعمل سامنے آرہے ہیں جبکہ ساتھی فنکاروں ۔

یہ بھی پڑھیں: نصرت فتح علی خان کی آواز کا جادو آج بھی برقرار ، مداحوں سے بچھڑے 29 برس بیت گئے

واضح رہے کہ اداکارہ نمرہ خان نے 2020 میں راجہ افتخار سے پہلی شادی کی تھی لیکن یہ رشتہ بھی چند ماہ بھی نہ چل سکا اور طلاق پر اختتام پذیر ہوا۔