پری پیڈ صارفین کیلئے بڑی خوشخبری، موبائل بیلنس کی میعادبڑھا دی گئی

پاکستان ٹیلی کمیونی کیشن اتھارٹی نے پری پیڈ موبائل صارفین کے لیے بیلنس کی کم از کم میعاد 180 دن مقرر کردی۔

پی ٹی اے کے مطابق صارفین کے مفادات کے تحفظ کے لیے تمام موبائل آپریٹرز کو ہدایت کی گئی ہے کہ ری چارج کے بعد موبائل بیلنس کی کم از کم میعاد 180 دن ہوگی۔

یہ بھی پڑھیں:آئی فون صارفین کے لیے بڑی خبر، ایپل 9 ستمبر کو کیا نیا لانے والا ہے

پی ٹی اے کا کہنا ہے کہ نئے فیصلے کا اطلاق یکم اکتوبر 2026 سے ہوگا۔ اعلامیے کے مطابق اگر کسی صارف کے موبائل بیلنس کی میعاد ختم بھی ہوجائے تو سم کے قابل استعمال رہنے کے دوران دوبارہ ری چارج کرنے پر ختم شدہ بیلنس خودکار طور پر بحال ہوجائے گا۔

پی ٹی اے کا کہنا ہے کہ یہ اقدام صارفین کے حقوق کے تحفظ اور ٹیلی کمیونی کیشن شعبے میں بہتر اور منصفانہ سروسز کے فروغ کے لیے کیا گیا ہے۔