By خیبرپختونخوا میں ایمرجنسی کے بعد امن و امان کی بہتری اور دہشت گردی کے خلاف کارروائیوں کو مؤثر بنانے کے لیے پولیس اور محکمہ انسدادِ دہشت گردی (سی ٹی ڈی) کی استعداد بڑھانے پر توجہ دی جا رہی ہے۔ اس سلسلے میں وفاقی وزیر داخلہ محسن نقوی کی جانب سے فراہم کردہ جدید بلٹ پروف گاڑیاں بنوں پولیس لائن پہنچ گئی ہیں، جن کی فراہمی کا مقصد پولیس اہلکاروں کو دہشت گردی کے خلاف کارروائیوں کے دوران بہتر تحفظ فراہم کرنا اور ان کی آپریشنل صلاحیت میں اضافہ کرنا ہے۔
جدید بلٹ پروف گاڑیوں کی بنوں پولیس لائن آمد کو سکیورٹی اداروں کو درکار وسائل فراہم کرنے کی کوششوں میں اہم پیش رفت قرار دیا جا رہا ہے۔ ان گاڑیوں کی شمولیت سے بنوں پولیس کو خطرناک علاقوں میں کارروائیوں اور سکیورٹی فرائض کی انجام دہی کے دوران بہتر تحفظ فراہم کرنے میں مدد مل سکتی ہے، جبکہ امن و امان کے قیام کے لیے جاری اقدامات کو بھی تقویت ملنے کی توقع ہے۔
ایمرجنسی کے بعد پولیس اور سی ٹی ڈی کو مضبوط بنانے، جدید سازوسامان فراہم کرنے، مطلوبہ افرادی قوت پوری کرنے اور انٹیلی جنس معلومات کی بنیاد پر کارروائیوں کو مؤثر بنانے کے فیصلے کیے گئے ہیں۔ 11 اکتوبر کے خصوصی سکیورٹی اجلاس اور 12 اکتوبر کے صوبائی ایپکس کمیٹی اجلاس میں قانون نافذ کرنے والے اداروں کی استعداد بڑھانے اور دہشت گردی کے خلاف مربوط اقدامات پر زور دیا گیا تھا۔
یہ بھی پڑھیں:. اب کاغذی رپورٹ نہیں، عمارتوں کا موقع پر معائنہ، خیبرپختونخوا میں آج سے اسکولوں کی جانچ کا کام شروع
