روپیہ مضبوط ، ڈالر کمزور، کرنسی مارکیٹ سے بڑی خوشخبری

ملکی اوپن کرنسی مارکیٹ میں امریکی ڈالر کے مقابلے میں پاکستانی روپے کی قدر مستحکم رہنے کا رجحان برقرار ہے جبکہ گزشتہ ایک ماہ کے دوران روپے کی قدر میں معمولی بہتری ریکارڈ کی گئی ہے۔

بدھ 8 جولائی 2026 کو اوپن مارکیٹ میں امریکی ڈالر 278.90 روپے خرید اور 279.30 روپے فروخت پر ٹریڈ ہوا۔ ایک ماہ قبل ڈالر تقریباً 279 سے 280 روپے کی سطح پر فروخت ہو رہا تھا جس کے مقابلے میں موجودہ سطح پر روپے کی قدر میں تقریباً 70 پیسے سے ایک روپے تک بہتری دیکھی گئی ہے اگرچہ اس عرصے کے دوران ڈالر مجموعی طور پر 278 سے 279 روپے کی محدود حد میں ہی رہا ہے۔

کرنسی ڈیلرز کے مطابق زرمبادلہ کے ذخائر میں بہتری بیرون ملک مقیم پاکستانیوں کی جانب سے ترسیلاتِ زر میں اضافہ درآمدی ادائیگیوں میں توازن اور اوپن مارکیٹ میں ڈالر کی دستیابی نے روپے کی قدر کو مستحکم رکھنے میں اہم کردار ادا کیا ہے،تاہم عالمی معاشی صورتحال اور خام تیل کی قیمتوں میں اتار چڑھاؤ کے باعث کرنسی مارکیٹ پر مسلسل نظر رکھی جا رہی ہے۔

یہ بھی پڑھیں:صرف 4,700 روپے ماہانہ قسط پر ہونڈا موٹر سائیکل گھر لے جائیں، خریداروں کے لیے بڑی خوشخبری

آج جاری ہونے والے اوپن مارکیٹ ریٹس کے مطابق سعودی ریال 74.45 روپے خرید اور 75.00 روپے فروخت، متحدہ عرب امارات کا درہم 76.10 روپے خرید اور 76.75 روپے فروخت، قطری ریال 75.24 روپے خرید اور 76.19 روپے فروخت، برطانوی پاؤنڈ 373.38 روپے خرید اور 376.92 روپے فروخت، یورو 318.80 روپے خرید اور 324.10 روپے فروخت، جاپانی ین 1.71 روپے خرید اور 1.81 روپے فروخت، کینیڈین ڈالر 196.53 روپے خرید اور 199.85 روپے فروخت، کویتی دینار 887.68 روپے خرید اور 898.95 روپے فروخت جبکہ عمانی ریال 723 روپے سے زائد خرید اور 733 روپے سے زائد فروخت کی سطح پر ٹریڈ ہوا۔

 اگر ترسیلاتِ زر کا موجودہ رجحان برقرار رہا زرمبادلہ کے ذخائر میں مزید اضافہ ہوا اور درآمدی دباؤ قابو میں رہا تو آئندہ ہفتوں میں روپے کی قدر مزید مستحکم رہنے کا امکان ہے تاہم عالمی مالیاتی منڈیوں میں غیر یقینی صورتحال، تیل کی قیمتوں میں تبدیلی اور مقامی معاشی عوامل کرنسی مارکیٹ کی سمت کا تعین کرتے رہیں گے۔