امریکا سے کشیدگی ، پیوٹن نے ایران کو بڑی پیشکش کر دی

روس کے صدر ولادیمر پیوٹن نے ایران اور امریکا کے درمیان کشیدگی کم کرنے کیلئے سفارتی معاونت کی پیشکش کردی۔

روسی صدر کی یہ پیشکش ایسے وقت سامنے آئی ہے جب ایران اور امریکا کے درمیان کشیدگی برقرار ہے۔

پزشکیان سے رابطہ

ایرانی صدر مسعود پزشکیان نے روسی ہم منصب ولادیمر پیوٹن سے ٹیلی فون پر رابطہ کیا۔

روسی صدر پیوٹن نے اس گفتگو کے دوران ایران کے ساتھ تعاون جاری رکھنے کے عزم کا اظہار کیا۔

 یہ بھی پڑھیں :ایران سے کشیدگی،امریکہ نے خلیجی اتحادیوں کیلئے بڑا اعلان کر دیا

پیوٹن نے کہا کہ روس ایران کے ساتھ جامع اسٹریٹیجک شراکت داری کے معاہدے کے تحت تعاون جاری رکھے گا۔

روسی صدر نے ایرانی قوم کی جانب سے جارحیت کے خلاف ثابت قدمی کو بھی تاریخی لمحہ قرار دیا۔

پیوٹن کے مطابق ایرانی قوم کی یہ ثابت قدمی دنیا بھر میں لوگوں کی توجہ کا مرکز بنی ہوئی ہے۔

سفارتی حل کی حمایت

روسی صدر ولادیمر پیوٹن نے کہا کہ روس ایران اور امریکا کے درمیان معاملے کا سفارتی حل چاہتا ہے۔

پیوٹن نے کہا کہ روس بھی اس معاملے میں اپنا کردار ادا کرنے کے لیے تیار ہے۔

انہوں نے کہا کہ روس کشیدگی کم کرنے کے لیے ضروری معاونت فراہم کرنے پر آمادہ ہے۔

روسی صدر کی جانب سےبیان اس وقت سامنے آیا جب ایران اور امریکا کے درمیان رابطوں کی کوششیں جاری ہیں۔

 یہ بھی پڑھیں :امریکہ ایران کشیدگی ، عالمی منڈی میں خام تیل کی قیمتوں میں مزید اضافہ

قطری وزارت خارجہ کے مطابق ایران اور امریکا کے درمیان قطر کی ثالثی میں مذاکرات بھی جاری ہیں۔

ایران کا مؤقف

ایرانی صدر مسعود پزشکیان نے اس سے قبل کابینہ کے اجلاس سے خطاب میں ملک کو درپیش صورتحال پر بات کی۔

پزشکیان نے کہا کہ ایران کو ہر زاویے سے مکمل جنگ کا سامنا ہے۔

ایرانی صدر نے کہا کہ قوم کے حقوق کے تحفظ کے لیے مذاکرات کی کوشش جاری رکھی جائے گی۔

پزشکیان کے مطابق مذاکرات کی کوششوں کے ساتھ ایران مزاحمت بھی جاری رکھے گا۔

انہوں نے کہا کہ بالآخر دشمن کو مایوسی کا سامنا ہوگا۔

ایرانی صدر نے داخلی صلاحیتوں پر انحصار بڑھانے پر بھی زور دیا۔

 یہ بھی پڑھیں :اقوام متحدہ کی ایران امریکہ امن معاہدے میں پاکستان کے کردار کی تعریف

پزشکیان نے کہا کہ ایرانی قوم کو ایک دوسرے کے ساتھ تعاون میں مزید اضافہ کرنا چاہیے۔

 پیوٹن نے واضح کیا ہے کہ روس سفارتی حل کی کوششوں میں ایران کے ساتھ تعاون اور معاونت کے لیے تیار ہے۔