صرف 10 لاکھ میں کون سی گاڑی ملے گی ؟ مکمل فہرست آگئی

پاکستان میں نئی گاڑیوں کی قیمتوں میں مسلسل اضافے کے باعث استعمال شدہ گاڑیوں کی مانگ میں نمایاں اضافہ دیکھا جا رہا ہے۔ آٹو مارکیٹ سے وابستہ افراد کے مطابق اگر کسی خریدار کا بجٹ تقریباً 10 لاکھ روپے ہو تو وہ اس رقم میں مختلف کمپنیوں کی کئی گاڑیاں خرید سکتا ہے تاہم گاڑی کی قیمت اس کے ماڈل حالت مائلیج شہر اور رجسٹریشن کے مطابق مختلف ہو سکتی ہے۔

مارکیٹ میں اس بجٹ کے اندر سوزوکی، ٹویوٹا، ہونڈا، ڈائی ہاٹسو، ہنڈائی، شیورلیٹ، نسان، مٹسوبشی اور کیا جیسی معروف کمپنیوں کی استعمال شدہ گاڑیاں دستیاب ہیں۔ سوزوکی مہران کے 2016 سے 2019 تک کے ماڈلز، سوزوکی آلٹو کے 2007 سے 2012 تک کے ماڈلز

سوزوکی کلٹس کے 2006 سے 2012 تک کے ماڈلز، سوزوکی بولان کے 2010 سے 2015 تک کے ماڈلز اور سوزوکی راوی کے 2012 سے 2018 تک کے ماڈلز اس بجٹ میں خریدے جا سکتے ہیں۔

اسی طرح ٹویوٹا کرولا کے 1998 سے 2005 تک کے ماڈلز، ہونڈا سٹی کے 2000 سے 2005 تک کے ماڈلز، ہونڈا سوک کے 1998 سے 2003 تک کے ماڈلز، ڈائی ہاٹسو کورے کے 2008 سے 2012 تک کے ماڈلز، ہنڈائی سینٹرو کے 2004 سے 2008 تک کے ماڈلز

شیورلیٹ جوائے کے 2006 سے 2009 تک کے ماڈلز، نسان سنی کے 1998 سے 2005 تک کے ماڈلز، مٹسوبشی لانسر کے 2003 سے 2006 تک کے ماڈلز اور کیا کلاسک کے 2001 سے 2004 تک کے ماڈلز بھی اس بجٹ میں دستیاب ہو سکتے ہیں۔

یہ بھی پڑھیں:گاڑیوں کی قیمتوں میں کمی کی دوڑ، اوڈی بازی لے گی، گاڑی 90 لاکھ سستی کر دی

گاڑیوں کی قیمتوں کا چارٹ قیمتیں گاڑی کی حالت، شہر، مائلیج اور رجسٹریشن کے لحاظ سے کم یا زیادہ ہو سکتی ہیں۔

نوٹ: یہ قیمتیں جولائی 2026 کی استعمال شدہ گاڑیوں کی اوسط مارکیٹ رینج کی بنیاد پر ہیں۔ اصل قیمت گاڑی کی کنڈیشن، اصل پینٹ، انجن، مائلیج اور شہر کے لحاظ سے مختلف ہو سکتی ہے۔

آٹو مارکیٹ کے ماہرین کا کہنا ہے کہ سوزوکی مہران، ڈائی ہاٹسو کورے، سوزوکی کلٹس، ہونڈا سٹی اور ٹویوٹا کرولا اس بجٹ میں نسبتاً بہتر انتخاب سمجھی جاتی ہیں کیونکہ ان کے اسپیئر پارٹس آسانی سے دستیاب ہیں، مرمت پر کم خرچ آتا ہے اور ان کی ری سیل ویلیو بھی بہتر ہوتی ہے۔

 استعمال شدہ گاڑی خریدنے سے پہلے انجن گیئر باکس سسپنشن اے سی چیسز نمبر رجسٹریشن ٹوکن ٹیکس اور گاڑی کے حادثاتی ریکارڈ کی مکمل جانچ ضرور کریں۔  کسی مستند مکینک یا انسپیکشن سروس سے گاڑی کا معائنہ کروا کر ہی خریداری کا فیصلہ کرنا چاہیے تاکہ بعد میں غیر ضروری اخراجات اور مشکلات سے بچا جا سکے۔