نئی قیمتوں کا اعلان،پیٹرول اورڈیزل مزید مہنگا کردیا گیا ،نوٹیفکیشن جاری

پیٹرولیم مصنوعات کی نئی قیمتوں کا اعلان کردیا گیا، جس کے تحت پیٹرول اور ڈیزل کی قیمتوں میں اضافہ کردیا گیا ہے۔ نئی قیمتوں کے مطابق پیٹرول کی قیمت میں 2 روپے 31 پیسے فی لیٹر جبکہ ڈیزل کی قیمت میں 78 پیسے فی لیٹر اضافہ کیا گیا ہے۔

قیمتوں میں اضافے کے بعد پیٹرول کی نئی قیمت 398 روپے 96 پیسے فی لیٹر ہوگئی ہےاس سے قبل پیٹرول کی قیمت میں اضافے سے پہلے جو نرخ نافذ تھے، ان کے مقابلے میں اب صارفین کو فی لیٹر 2 روپے 31 پیسے زیادہ ادا کرنا ہوں گے۔

ڈیزل کی قیمت میں بھی اضافہ کیا گیا ہے۔ ڈیزل کی قیمت 78 پیسے فی لیٹر بڑھنے کے بعد اس کا نیا نرخ 395 روپے 72 پیسے فی لیٹر ہوگیا ہےپیٹرولیم مصنوعات کی قیمتوں میں ہونے والے حالیہ رد و بدل کے بعد ملک بھر میں پیٹرول اور ڈیزل کے نئے نرخ نافذ ہوگئے ہیں۔

یہ بھی پڑھیں :عالمی منڈی میں خام تیل کی قیمتوں میں کمی، پاکستان میں پیٹرولیم مصنوعات سستی ہونے کا امکان

حکومت کی جانب سے پیٹرولیم مصنوعات کی نئی قیمتوں کا باقاعدہ نوٹیفکیشن بھی جاری کردیا گیا ہے، جس میں پیٹرول اور ڈیزل کی نئی قیمتوں کا اعلان کیا گیا ہے۔نوٹیفکیشن کے مطابق نئی قیمتوں کا اطلاق صرف ایک دن کے لیے ہوگا۔

پیٹرول اور ڈیزل کی قیمتوں میں اضافے کا براہ راست اثر صارفین کے سفری اخراجات پر پڑے گا، جبکہ ٹرانسپورٹ اور دیگر شعبوں میں بھی ایندھن کی لاگت نئی قیمتوں کے مطابق شمار کی جائے گی۔

نئی قیمتوں کے اعلان کے بعد پیٹرول کی قیمت 398 روپے 96 پیسے اور ڈیزل کی قیمت 395 روپے 72 پیسے فی لیٹر ہوگئی ہے، جبکہ دونوں مصنوعات کی قیمتوں میں اضافے کا اطلاق ایک دن کے لیے کیا گیا ہے۔