پولیس اور شہری جانیں قربان کر رہے ہیں، صوبائی حکومت کو ذمہ داری کا احساس دلانے کے لیے مزید کتنی جانیں چاہئیں؟ فیصل کریم کنڈی

 خیبر پختونخوا کے ضلع کرک میں دہشت گردوں کے چھپ کر کیے گئے حملے میں 2 پولیس اہلکاروں کی شہادت پر گورنر خیبر پختونخوا فیصل کریم کنڈی نے شدید ردعمل کا اظہار کرتے ہوئے کہا ہے کہ پی ٹی آئی نے خیبر پختونخوا کو دہشت گردوں کے رحم و کرم پر چھوڑ دیا ہے۔

گورنر خیبر پختونخوا فیصل کریم کنڈی نے سوشل میڈیا پلیٹ فارم ایکس پر جاری اپنے بیان میں کرک میں پولیس اہلکاروں پر فائرنگ کے واقعے کی شدید مذمت کی۔

فیصل کریم کنڈی نے کہا کہ صوبائی حکومت کی دہشت گردی کے ذمہ دار عناصر کی حمایت اور سمجھوتوں کی قیمت پولیس، مسلح افواج اور شہری اپنی جانوں کی قربانی دے کر ادا کر رہے ہیں۔

یہ بھی پڑھیں: ضلع کرک میں ’پی ٹی آئی‘ لانگ مارچ کے دوران پولیس پارٹی پر حملہ، ایس ایچ او سمیت 2 اہلکار شہید

انہوں نے سوال اٹھایا کہ صوبائی حکومت کو ذمہ داری کا احساس دلانے کے لیے مزید کتنی جانوں کا ضیاع درکار ہے؟

گورنر خیبر پختونخوا نے کرک پولیس کے شہید اہلکاروں کے اہلخانہ اور ساتھیوں سے تعزیت کا اظہار بھی کیا۔

Strongly condemn the firing incident in Karak in which an SHO and another police official embraced martyrdom in the line of duty. PTI has left Khyber Pakhtunkhwa at the mercy of terrorists. Our @KP_Police1 , Armed Forces and civilians are paying the price for the provincial government’s continued support for and compromises with those responsible for terrorism. How many more lives must be lost before the provincial government takes responsibility?
My deepest condolences are with the families and colleagues of our Shaheed officers.

— Faisal Karim Kundi (@fkkundi) October 8, 2026