پیٹرول اور ڈیزل کی قیمتوں میں بڑا اضافہ، نئی قیمتوں کا نوٹیفکیشن جاری

پیٹرولیم مصنوعات کی نئی قیمتوں کا اعلان کردیا گیا، جس کے مطابق پیٹرول کی قیمت میں 3 روپے 34 پیسے فی لیٹر اضافہ کیا گیا ہے، جس کے بعد پیٹرول کی نئی قیمت 334 روپے 54 پیسے فی لیٹر مقرر ہوگئی ہے۔

حکومت کی جانب سے ڈیزل کی قیمت میں بھی نمایاں اضافہ کیا گیا ہے،ڈیزل 5 روپے 27 پیسے فی لیٹر مہنگا ہونے کے بعد اس کی نئی قیمت 395 روپے 69 پیسے فی لیٹر مقرر کردی گئی ہے۔

یہ بھی پڑھیں :اب پیٹرول کا ریٹ کتنے دن بعد بدلے گا ؟ اہم اعلان ہو گیا

پیٹرولیم مصنوعات کی قیمتوں میں حالیہ اضافہ صرف ایک روز کے لیے کیا گیا ہے، نئی قیمتوں کے حوالے سے باقاعدہ نوٹیفکیشن بھی جاری کردیا گیا ہے۔

پیٹرولیم ڈویژن کی جانب سے جاری نوٹیفکیشن کے مطابق نئی قیمتوں کا اطلاق 19 اگست سے ہوگا۔ قیمتوں میں اضافے کے بعد ملک میں پیٹرول اور ڈیزل مزید مہنگے ہوگئے ہیں، جس کے اثرات ٹرانسپورٹ اور دیگر شعبوں کے اخراجات پر بھی پڑ سکتے ہیں۔

  نئی قیمتوں کا اطلاق مقررہ مدت کے دوران پیٹرول اور ڈیزل کی فروخت پر ہوگا، جبکہ آئندہ قیمتوں کے تعین کے لیے عالمی مارکیٹ کی صورتحال اور دیگر متعلقہ عوامل کو مدنظر رکھا جائے گا۔