وزیراعظم شہباز شریف غزہ امن بورڈ کے اجلاس میں شرکت کے لیے امریکا پہنچ گئے

شہباز شریف غزہ میں جاری انسانی بحران اور امن کی کوششوں پر عالمی مشاورت کے لیے غزہ امن بورڈ کے اہم اجلاس میں شرکت کے لیے امریکا پہنچ گئے ہیں۔

ذرائع کے مطابق وزیراعظم شہباز شریف اجلاس میں غزہ میں فوری جنگ بندی، انسانی امداد کی بلا تعطل فراہمی اور دیرپا امن کے قیام پر پاکستان کا مؤقف پیش کریں گے۔ وہ عالمی رہنماؤں اور بین الاقوامی اداروں کے نمائندوں سے ملاقاتیں بھی کریں گے، جن میں مشرقِ وسطیٰ کی صورتحال، خطے میں استحکام اور انسانی حقوق سے متعلق امور پر تبادلہ خیال متوقع ہے۔

وزیراعظم اس موقع پر اس بات پر زور دیں گے کہ غزہ کے عوام کو درپیش انسانی المیے کے خاتمے کے لیے عالمی برادری مشترکہ اور مؤثر اقدامات کرے، جبکہ بین الاقوامی قوانین اور اقوامِ متحدہ کی قراردادوں پر عملدرآمد یقینی بنایا جائے۔

سفارتی حلقوں کے مطابق وزیراعظم کا یہ دورہ پاکستان کے فعال سفارتی کردار اور عالمی امن کے لیے کوششوں کی عکاسی کرتا ہے، جبکہ غزہ کے مسئلے پر پاکستان کی اصولی اور واضح پالیسی کو عالمی سطح پر اجاگر کرنے کا بھی اہم موقع قرار دیا جا رہا ہے۔

مزید پڑھیں: غزہ مغربی کنارے کی قانونی حیثیت تبدیل کرنے کی اسرائیلی کوشش، پاکستان کا سخت ردعمل