ایرانی رہبراعلیٰ آیت اللہ علی خامنہ ای کی نمازِ جنازہ میں تین بیٹوں کی شرکت، ویڈیو سامنے آگئی

ایرانی رہبر اعلیٰ آیت اللہ علی خامنہ ای کی نمازِ جنازہ میں تین بیٹوں کی شرکت کی ویڈیو سامنے آگئی۔

ایران کے سابق سپریم لیڈر شہید علی خامنہ ای کی نمازِ جنازہ میں ان کے تین بیٹے مسعود خامنہ ای، میثم خامنہ ای اور مصطفیٰ خامنہ ای نے شرکت کی، جبکہ ان کے بیٹے اور جانشین مجتبیٰ خامنہ ای سکیورٹی خدشات کے باعث تقریب میں شریک نہیں ہوئے۔

بین الاقوامی میڈیا رپورٹس کے مطابق تہران میں منعقد ہونے والی نمازِ جنازہ میں لاکھوں افراد شریک ہوئے،  جہاں ایرانی عوام، اعلیٰ حکومتی شخصیات، مذہبی رہنما اور مختلف ممالک کے نمائندے بھی موجود تھے۔

رپورٹس کے مطابق خامنہ ای کے بیٹوں مسعود، میثم اور مصطفیٰ کو نمازِ جنازہ کے دوران دیگر سوگواران کے ساتھ دیکھا گیا جبکہ ایران کی پاسدارانِ انقلاب کے قائم مقام سربراہ بریگیڈیئر جنرل احمد واحدی بھی تقریب میں شریک تھے۔

📹 حضور فرزندان رهبر شهید انقلاب در مصلی تهران#انتقام_خون_رهبر_شهید pic.twitter.com/4LPHVTbkss

— خبرگزاری تسنیم (@Tasnimnews_Fa) July 5, 2026

ذرائع کے مطابق ایران کے موجودہ سپریم لیڈر مجتبیٰ خامنہ ای تقریب میں اس لیے شریک نہیں ہوئے کیونکہ ان کی سکیورٹی کے حوالے سے سخت خدشات موجود تھے۔

ایرانی حکام نے اس بارے میں باضابطہ تفصیلات جاری نہیں کیں تاہم میڈیا رپورٹس میں بتایا گیا ہے کہ ممکنہ خطرات کے پیش نظر ان کی عوامی موجودگی محدود رکھی گئی۔

یہ بھی پڑھیں : شہید ایرانی سپریم لیڈر آیت اللہ علی خامنہ ای کی نماز جنازہ ادا ، لاکھوں افراد کی شرکت

ایران میں علی خامنہ ای کی نمازِ جنازہ اور تدفین کی تعزیتی تقریبات 9 جولائی تک جاری رہیں گی جہاں مختلف شہروں میں تعزیتی اجتماعات اور دعائیہ تقریبات بھی منعقد کی جا رہی ہیں، جن میں لاکھوں افراد کی شرکت متوقع ہے۔